عليك في باب الطواري

يدوم البقى مادام للنار شباب=اثر صاحبي هذا بوضع انتحاري
سلامات يابوبدر من قرصت الداب=وشلي حشركم بين بايع وشاري

يجوزان عابر قال واخطا ولا صاب=علا مك من البارح تحد الشباري
تعال اقرب اقرب مالنا عنك مجناب=ولا ون بانت فيك بعض المواري

انا بعترف للحض ودى ولا جاب=بغيت اضرب الاحرار جت بالنغاري
ويامعترض بالدرب للحر مخلااب=ولاتماشي الاحرار طير الكناري

انابعترف للضن في صاحبي خاب=ليا طول المشوار يضرب بواري
اشوفك على الشينه يسيل لك العاب=واناهوايتي صيد الصقور الحراري

يعلم على السرقه حلال ليا ساب=مسرح حلاله مع عميل الضهاري
بنا خيمته لكن ماشد الاطناب=وقامت تمايل مع هبوب الذواري

يالك وقفتا لا سرت طرقي وحطاب=حمولك ثقيله في ضهرك البداري
بنينا بيوت العز مانقفل الباب=عن الضيف مثلك وافتخر في شعاري

ليا سرت طرقي ليش ادور للتعاب=احط الحموله فوق ضهر الحماري
وشرطك ترى عندي حموله بقلاب=كندنك تحافض ماتوطا الصفاري