مسرح لياليك

لا جيت أبا أكتب بيت ما فيه طاريك =تاخذني الأشواق وأروح يمك

وان قمت أبا اسلا عود القلب يطريك =ماكن لي هم سوى ذكر همك

الروح روحك والحشى مندمج فيك =واللي جرا بالعرق يا شوق دمك

يا عقد غالي ما لقينا محاليك =يا ورد جوري صادق الحس شمك

أغصان حبي أثمرت في موانيك =وسفينة أحلامي جذبها خضمك

حتى بحور الشعر قامت تناديك =الموج موجك والدرر وسط يمك

لو تنده القيفان جت لك تلبيك =جت لك على بابك تدور متمك

صارت لك الأشعار مسرح لياليك =دور البطولة فيه جالك وضمك

يا مبعدٍ عني ترى الصب يرجيك =رجوى يتيم قالوا تفداك أمك