الشارب اللي ساعة الضيـق محلـوق !

10 رمضان 1429هـ, 04:23 م

برق الشمال

مشرف منتدى الأشعار المنقوله

آخر وسام للعضو

وسام العضو المميز لشهر جمادى الثانيه من عام 1429 هـ

الشارب اللي ساعة الضيـق محلـوق !

الشعـر لـه فاتـل وناقـض وفـاروق
والسـوق لـه سايـم وشـاري وبايـع

واللي ربح ببضاعتـه يمـدح السـوق
والنـاس تطلـب نـادرات البضـايـع

يا مدوّر الطيـب تخيّـر علـى لـذوق
وأحفظ معك مـن قـول فـارس ودايـع

لو كـان بالإرشـاد والنصـح مسبـوق
ذكـرى لعـل لهـا تــرق السمـايـع

جواهرٍ معهـا شـذى المسـك مرفـوق
ومعهـا التجـارب مثبتـه بالوقـايـع

واللي لبس من جوهر المرجلـه طـوق
مثلـي مجـرّب والتـجـارب نفـايـع

سافرت لي طرقه وطبيـت لـي سـوق
وخاويت فـي دربـي جميـع النزايـع

والله خلـق فالنـاس ميـزات وفـروق
النـاس شتـى بالشـيـم والطبـايـع

أحـدٍ علـى مبـدأ ولـه نظـرةٍ فـوق
وأحـدٍ كمـا ثلـجٍ علـى القـاع مايـع

ولاني وكيـل آدم علـى كـل مخلـوق
لكـن أشـوف بخلـق ربـي نـوايـع

أشفق على الطيب ولـي رفقتـه شـوق
غريـب وإلا مـن قـريـب الجمـايـع

وراع الردى من دونـه البـاب مغلـوق
بينـي وبيـن أهـل السفالـه قطـايـع

للطيب وأهل الطيب عاشـق ومعشـوق
والطيـب لـه مبـدأ وحكـم وشرايـع

والمرجله وهبـه مـن الـرب ووفـوق
والديـن رأس المرجـلـه والطمـايـع

والرزق من ربي وله فـرض وحقـوق
ومن يطلب أرزاقه مـن الخلـق ضايـع

والأخـذ بالأسبـاب ثابـت ومـوثـوق
وتوفيـق ربـي هـو خيـار الـذرايـع

ولا كـل مطـرودٍ كمـا قيـل ملحـوق
قـولٍ مبالـغ فيـه لـو كـان شـايـع

إن ما جلبهـا والـي العـرش برفـوق
كثـر المطـارد مـا يحـوش النفايـع

ومن يحسن النيه مع النـاس مـرزوق
ومـن يتقـي ربـه دروبـه سنـايـع

والكـذب ثـوبٍ مايجمَّـل ومشـقـوق
ولا ينرفـي شقـه بكـثـر الرقـايـع

ومن لا يحـط أسـرار قلبـه بصنـدوق
ويجـوَّد المفتـاح عـن كـل صـايـع

يفتح علـى نفسـه مداخـل وخـازوق
وقناصـة الفرصـه تـزيـد الجـلايـع

ومن يقـرب الأنـذال لا يامـن البـوق
النـذل خايـن مـا يصـون الـودايـع

عقـرب ثـرى وإلا كمـا نـاب زاروق
لا صـادف الـغـرات للـسـم زايــع

وأحـذر تـرى النمـام للشـر ناتـوق
دايــم يـقـرَّب للـشـرار الـولايـع

من المكـارم خـارب القصـد مسلـوق
وعقلـه لنزغـات الشياطيـن طـايـع

وترى الردي شمعٍ على الحيـط ملـزوق
لا أونس حميم الشمـس جـاك متمايـع

أحـذف ردي المعرفـة حـذف خملـوق
لا تنـخـدع بالزبـرقـه واللـمـايـع

عليـك بالطيـب ليـا صـرت مزنـوق
الـلـي فعـولـه كلبـوهـا iروايــع

يشيل عنـك مـن الصعيبـات طـاروق
ولا يلحـق المنـه جميـل الصنـايـع

لامن عن الواجـب هبـا كـل مزلـوق
يقـوم بالـواجـب بعـيـد الرمـايـع

والشارب اللي ساعة الضيـق محلـوق
وقت الرخاء ما أحـدٍ يبـي لـه فزايـع

خله ولو شفته علـى الوجـه مصفـوق
ولا تستشـيـر مجالسـيـن الربـايـع

وإن كان في صدرك قنا الوقت مـزروق
خلـك علـى الشـده قـوي البتـايـع

واضرب على الكايد ولا يلحقـك عـوق
وأطلـع سنـود وخيـرمـولاك لايــع

والشمس لو غابت يجي صبح وشـروق
والحق لـه صيـتٍ مـع النـاس ذايـع

يقدم عزيز الساس لـو كـان مفهـوق
ويأخـذ عظيمـات المـراجـل قـلايـع

وأبليس أخـو مـره مربَّـط ومفلـوق
وفـي كـل يـوم يـزود حـر ولقايـع

نركـي علـى كبـده مراقيـع وحـروق
وعـروق قلبـه مـن وحمنـا مزايـع

وصلوا على الهادي عدد ما أرمش الموق
وعسى لنـا مـن جـود ربـي شفايـع

من اختياري
برق الشمال

من مواضيعي :

≈ واقعنا بصفحَة ألكترونيّة ... !!
≈ ونْ كنت كاذب فالمثل: (( أكذب قصيدي أبْلَغََه )) ..!
≈ يقولون الصبر غيمه وانا اقول الصبرمحتال!
≈ رحـــــــيــل ...... بـــلا ....... صـــــــوت !!!
≈ قبل يومين تركتني ورحلت مع شخص ثاني

10 رمضان 1429هـ, 08:45 م

مفحطه بالحـــارهـ

عضو مهم جدا

مشاركة: الشارب اللي ساعة الضيـق محلـوق !

والله خلـق فالنـاس ميـزات وفـروق
النـاس شتـى بالشـيـم والطبـايـع

أحـدٍ علـى مبـدأ ولـه نظـرةٍ فـوق
وأحـدٍ كمـا ثلـجٍ علـى القـاع مايـع
0
0
0

يسلمووووووووو يابعدي
روعه لاعدمناك
يشرفني اكون اول الرادين
يعطيك العافيه برق

0
0
؛أنا عزيزة نفس وعزتي مايدوسها رجال؛؛
؛؛ورسالتك ماهزتني بكلمه لأنك عديم الرجوله؛؛
؛؛وترى أفعالك أنا مااحطها إلا تحت النعال؛؛
؛؛لأن أفعالك يامنافق مو مثل اللي تقوله؛؛
0
0

وه فديتك يااحاسيس التوقيع روعه

من مواضيعي :

≈ ஓ يـــاًاٍويــــــــــــــــل قـــلـــــــــبـــي..0000 ஓ
≈ لحســـــــــــــــه مخ بجد
≈ منــــي بيــــت منـــك بــــيت
≈ وربيـ احبكـــ وش بلاكـــ
≈ صــــورهـ وقصـــيد هــ

11 رمضان 1429هـ, 04:14 ص

نعــناعهـ

عضو برونزي

مشاركة: الشارب اللي ساعة الضيـق محلـوق !

اقتباس


	عليـك بالطيـب ليـا صـرت مزنـوق الـلـي فعـولـه كلبـوهـا iروايــع يشيل عنـك مـن الصعيبـات طـاروق ولا يلحـق المنـه جميـل الصنـايـع

صح لسانك ولسان شاعرها ...

وكلك ذوق في ااختياراتكـ ..

بنتظار كل ابداعٍ لكـ

- تحيتي -

نـ ع ــناعهـ

من مواضيعي :

≈ تمســآح باللون الابيض (نادر)
≈ |--*¨®¨*--| فرشـ جوووونآآآآآآآن |--*¨®¨*--|
≈ القصيدة التي اغضبت الخليجياااااات **والرد عليها موجووود**
≈ رجل ابكاه البحث في قوقل ...
≈ ][®][^][®][مــــلك جمــــآل البط ][®][^][®][

خيارات الموضوع
عرض نسخة للطّباعة أرسل هذه الصفحة لصديق
طريقة العرض
النمط الخطي التحويل إلى النمط الشجري التحويل إلى النمط المتطوّر