المغترة 29 ،،،شفتنا بالعين ولا مستلم لك جره ،، الشاعرين محمد السناني والزلامي

بسم فيصل سيدي من منبر المغتره=
للوطن منا سلام وللمليك تحيه
اخويانا اليوم اشوف كبودهم محتره=
كن فيهم شي بين الراس والطاقيه

بسم فيصل سيدي تنعاد مية مره=
الله إنه يحفظ الرعيان والرَعيه
الزلامي ياجماعه مايوقف شره=
في يمينه سم داب وفي يساره حيه

خيرة الله يالسناني وش معك فالصره=
يانظيف القلب مدري ياسليم النيه
العرب شافوك مابين السهل والحره=
معك عشره من هذيل وكلكم رجليه

الزلامي في يدينا ننفعه ونضرّه=
مار مانقدر نبيح علومنا السريه
شفتنا بالعين ولا مستلم لك جره=
انت وش دخلك بين اوضاعنا الشخصيه

مشكله لو صار فالجهنان عالم ذره=
ياالله استر لاتحوص الكوره الأرضيه
ندفع الدنيا قدم وهي تجي مفتره=
خل رجل معقله والثانيه مثنيه

آخذين العلم رغم عيونك المحمره=
أنت لاهالحين مانته كامل الحريه
قوم ذوق اللقمه الحلوه وذوق المره=
لاتقول إنك عطيت اللمسه السحريه

الغريب انك على بعض العرب تتشره=
ماتعرف انك زعيم الكتله البحريه
الحظير اللي بدربك من زمات تجره=
شب فيه النار ولا علم الدوريه

الغريب انك تحسب انك تجيب الدره=
وانت نافذة عليك احكامنا الشرعيه
وانت شيخ من القبيله والعرب مضطره=
في عيون الناس تعطيك اربعه فالميه