انا زعلان منكـ حيل وشايل لك بقلبي عتاب
واتمنى تحملني مثل ما اتحمل عتابك
ترى بعض الصراحه جرح وثقل ونرفزه واعصاب
ابي تسمع كلامي زين وتمسك زين اعصابك
تعاهدنا انا وانته على انا نكون احباب
واحبابك هم احبابي واحبابي هم احبابك
وش الي غيرك فجئه تكلم واذكر الاسباب
انا بسمع كلامك زين وبسمع زين اسبابك
رغم كل الخطاء منك فوجهك ما قفلت الباب
ويوم اخطيت في حقك قفلت فوجهي ابوابك
رخصت الغالي لعيونك حنيت لخاطرك ارقاب
رظيت احنيها وارقابي ولا تحنها ارقابك
كفايه تمتحني هم وخل من ذم فيني وعاب
ترى ما عاب في غيرك ولو طال الزمن عابك
ولا تفكر في يوم انساك او يشغلني عن غياب
انا اتنفسك هواك وفيك اموت واحيابك
اانا ما اشوف احد غيرك جميل بفتنته جذاب
انا اعجابي فيك اعمى بفوق اعجاب اعجابك
انا مهما قسى قلبي بكلمه منك احسه ذاب
انا من زود عشقي لك عشقت العطر في ثيابك
انا ياليت مغرم فيك انا كلي فغرامك شاب
احسك جزء من روحي ولا اتحمل غيابك
ولا قد طاب لي جرحك ولو جرحي لذاتك طاب
عجزت اقدر اشوف الدمع بل اطراف اهدابك
ولكن كل شيء إالا جزاه الصد بالترحاب
اذا صديت ترحابي ترى باصد ترحابك
ولاني مرتظي ذلي ولو كان الهواء غلاب
إذا ماكان ترظابي حشاء لا يمكن ارظابك
ولاني قادر اتحمل عشانك غرست الأنياب
انا كلي غدى مجروح من غرسات انيابك
تجافيني ولا همك ولا تحسب لي اي حساب
وانا من زود عشقي لك اصونك واحسب حسابك
الا يا قسوة الصدمه تجيني منك الاصواب
وانا الي كنت اقول الجرح اذا ما صابني صابك
آمانه قول وش بقيت للعذال والأغراب
إذا هذا معي طبعك اجل وش حال اغرابك
تمرد كل يحلى لك تعبت فطيبتي وتغتاب
ولكني ترى اكبر من اني يوم اغتابك
حقيقه اكتشفت انك سخيف بطبعك الكذاب
واني كنت لك لعبه سخيفه تشبع العابك
انا عيبي غبي طيب وضني فيك والله خاب
ولا قد كنت اتوقع تجافي يوم اصحابك
انا جيتك بطيب الطيب وفيك الطيب ابد ما خاب
ابي تعذرني ها القسوة لان الطيب ما جابك
|--*¨®¨*--|الطيب ما جابكـ|--*¨®¨*--|
|--*¨®¨*--|الطيب ما جابكـ|--*¨®¨*--| 
النمط الخطي
