غني ياليل ما طولك

كلما قلت استريح وخاطري اصبح خلي = جتني أخطوب الزمان اللي على التعذيب ناوي
جاتني تلمع على صدري مثل لمع الحلي = في فلاةِ حولها غيمة عليها النور ضاوي
افتحت صدري على قلبا يغيض ويمتلي = واخذت منزالها بالقلب وتدق الرساوي
قلت أبا اسأل يا زماني كيف همك ينجلي = قال غني ماطولك ياليل ياكبر الهقاوي
قمت اغني يالا لاله يالا لاله يالا لي = قمت أغني ما طولك ياليل يا كبر الهقاوي !
قال وش بك ويش صابك قلت انته قلت لي = قلت غني ماطولك يا ليل ياكبر الهقاوي ؟
قال خلك في عماك وزاد يصلاني صلي = ليه مدري بس أظني مخطياً بأحدى الغناوي
تل قلبي من مكانه مثل تلّك يالدلي = في خلا مابه ونيس ووارد الجمه ضماوي
اما ابرحل عن مكاني دامني به مبتلي = أو ابا اترجاه يرحل يمكن تفيد الرجاوي
ياعرب كل اتجاهاتي هموم اتلد لي = ما يفرقها صهيل خيول وصياح العزاوي
صار همي لي ونيس ولي صديقاً يا هلي = والله اني دون همي في حياتي ويش اساوي