القصايد هيجنت والطـرق والمعنـى وليلـه

14 شعبان 1429هـ, 11:38 م

برق الشمال

مشرف منتدى الأشعار المنقوله

آخر وسام للعضو

وسام العضو المميز لشهر جمادى الثانيه من عام 1429 هـ

القصايد هيجنت والطـرق والمعنـى وليلـه

القصايد هيجنت والطـرق والمعنـى وليلـه
والخواطر من ثلاث أيـام منزلهـا محالـي

يوم شافت رمسة المشطون في رأس الطويله
طوحت فالصوت كنها تعتزي ياسـم حالـي

وين رحت وكيف جيت وليه ماعندك وسيله
يوم تتركني مع الساليـن وتخمـن سؤالـي

مادريت أني شكيت البين وأحمولـي ثقيلـه
يوم غيري دالـه وتدلهـه سـود الليالـي

ماتونيت المفر يـوم القـدر مافيـه حيلـه
صكت الأيام غبراء والزمـن لاملـت مالـي

وأنت ساهي مادريت وغرك الوقـت بقليلـه
إن بغيتك قلت لا لا وإن نشدتك قلت سالـي

والله اني مارضيت العن زمان جابنـي لـه
لاكن المشروه غالي وأنت يالمشطون غالـي

ياعميـل ماتونـى يـوم كـل مـن عميلـه
شاحته زومة فسق والبنك مرهيـه الريالـي

أسمحيلي وانصتيلي وأسمعي شور الدليلـه
لاتلجيني تـرى مانـي مـن الأيـام خالـي

مشقي نفسي وأحب أتعب على رد الجميلـه
ولا حييت بطردة المقفي وأحب الأ نعزالـي

طيب المبدى ولي عزه ولـي ربـع وقبيلـه
وأن نشدتي من خوالي قلت عماني خوالـي

لاكن أنتي ياهجوسي ماذخرتي لي حصيلـه
غير جيتني تسوقين الهبايب مـن شمالـي

ويش علمتس جعل منتي للزمان الشين عيله
لاوردتينـي ولا عينـت للقاعـه أحبـالـي

قالت أصبر دوك مرباع الحيا قفـر شتيلـه
مارعتبـه قطـف النـوار وظبـي المفالـي

يوم كان العام ترعى به وتسقيـه المخيلـه
شد منها كن قفر العام ماجـاء فيـه والـي

رحت أدور له ولاعينـت لرسومـه بجيلـه
غير صوت من شمال يقول عـود ياحلالـي

وأنزعجت وقلت يالله لاتجيـب المستحيلـه
يالله أني في رجاك ولا على الغيـر أتكالـي

ويوم شفتتك يارفيقي جيت وأظلوعي هزيله
ويوم شفتك ترقب المرقاب وتروم المعالـي

وجيت صوبك يومك تعدي وأنا عيني هميله
وأشتكيلك وأتشره واللعـن الحـظ الموالـي

قلت بالله لاتزيدينـي تـرى نفسـي عليلـه
من صواديف الزمان الشين ماني بمتشالـي

لاكن الدعوى تبي نفـس عزايمهـا جليلـه
لابلاها الله تقول الصبر مخـزون الرجالـي

وصفيي لي ياهجوسي زول منسوع الجديله
وأكتبي وش قال والا كيف عزم الأرتحالـي

قالت أذكر يوم سال السيل وأدركني مسيلـه
من حقوق سيل نوه حـدر حيـود الجبالـي

مرني كنه يحسـب خطوتـه ويقـول ويلـه
من عرض لي لايحملنـي بحمـل مايشالـي

قلت له دن وتقهوى يابعد مـن لـه خليلـه
وأقلط وقند هجوسك مـن مباهيـر الدلالـي

قال ياماخوذ وشلك باللـذي قاطـع سبيلـه
لاتعني خاطرك بعض الحكـي مالـه مجالـي

قلت أنا داخل عليك بجاه من زبـن دخيلـه
لاتهبلبي ترى المشطون في راسـه هبالـي

قال تم وصب لي فنجـال وأبهرنـي بهيلـه
ولاتطـول فالقضيـه قلـت تـم ولاتبالـي

قال وصفني وقلت الوصـف والله مايبيلـه
فيك طله من بنات الحور وأزينهـن أقبالـي

لو تحاكي مزمن العلات ب رمـوش ظليلـه
قام كنه من فراش المـوت بعـزوم جلالـي

ولو تبسم للمهوجس في همومـه وتحكيلـه
سج مـن همـه وغنـى للسعـد ياهملالـي

وأبتسم لي قال ماشي قلت بـدري ياجميلـه
وين رايح قال ماشي وأنت لاتنسـى مقالـي

والوعد من بيننى لا بكر الوسمـي بسيلـه
في نهاية شهر عشره لابدى نـور الهلالـي

وأنتطرته وأرجي الله والمروجـع عزيتيلـه
لاتلومه لا شكالك مـن تصاريـف الهوالـي

قلت توبي ياهجوسي ماورى المقفين حيلـه
قالت الله والصبر للعبـد محمـود الفعالـي

فالح بن قشعم

من مواضيعي :

≈ سبب هالجرح ..؟ أنزف هالقصايد !!
≈ رحلـت و مـا نقشـت ألا . مسافاتـك. مسافاتـك
≈ الدليل الطبي للمريض في شهر الصيام
≈ يبقى الشيء ساكنا حتى تفكر فيه .. فيتحرك باتجاهك
≈ حدوني عنه والفرقا لها ذيبٍ و تعشانــــــي

خيارات الموضوع
عرض نسخة للطّباعة أرسل هذه الصفحة لصديق
طريقة العرض
النمط الخطي التحويل إلى النمط الشجري التحويل إلى النمط المتطوّر