ياعين بوي انا جيتك,,من الفرقا يتيـمٍ ضـاع
..............................يـدور امـه اللـي بغفوته,,كانـت تغنيـلـه
يدورها وهوتايـه مـن الفرقا,,كسيـر ذراع
...........................وكل من شاف حاله قال,,ياويلي عنه وعزيله
يناديها ويجر الصوت,,يقول الأأأه من الاوجاع
..........................وكل من يسمع مناداه,,مسـح دمعـه بمنديلـه
هذا حالي عقب فرقاك,,هذا قلبي شكى ملتاع
.......................عساك تحسبه يامناي,,عساك تحـس وتاويلـه
عساك تحس في قلبٍ,,لوصلك دايمٍٍ منصـاع
........................وتذكر قلبه اللـي كان,,همـك دايـم يشيلـه
وعساك تحس في قلبٍ,,شرى قربك وفا ماباع
.......................شراه بدم قلبٍ,,ينـزف بفرقـاك كـل ليلـه
الا يالعنبو الفرقا على ابوها على مـن طـاع
.......................على من طاع قلبه,,وبتلى بحبك بلـى حيلـه
الا يالعنبو الفرقا وانا,,رجـلٍ خلـق جـزاع
......................ويجزع لا يذل النفس من الفرقا لابو(شيلـه)
الا يالله انا بوجهك,,من الفرقا دخيلك ضـاع
.....................الا يالله ساعدنـي مـادام بـيـدك الحيـلـه
ياعين أبوووي
ياعين أبوووي 
النمط الخطي
