الدمعه الملقوفه

الضيقه ألي تلوف الصدر وتحوفه = في كل ليله وروحي صرت أنازعها

ياليتها بين كل الخلق مصروفه = ولاّ ليا جات صدري قمت أوزعها

مير البلا بالضلوع العوج محفوفه =ما أقدر عليها ولاني قادر أمنعها

عزي لقلباً تشب النار في جوفه =منها عروقه لهيب النار قطعها

وعزي لعيناً تشيل الهم في خوفه =و إليا غفت جمرة الاشواق تلذعها

والدمعه ألي جرت بالخد ملقوفه =هو ليه يالعين تطلع من مدامعها

والكلمه ألي بسم الكذب ملفوفه =ياصبر ناصر عليها يوم يسمعها

والنظره ألي تجيك بحقد مألوفه = وش عاد لو كان يرخيها ويرفعها

والبسمه ألي وراهاا الغدر مكشوفه= لو هي من أقرب قريب الله يقطعها

وراع الوفاء مايدوّر حق معروفه = بس الجميله تعيش بعين زارعها

يانجد خط الجنوب يوصل الكوفه=وش لون صارت مع الايام نجمعها

والجادل ألي يتل الفكر بحروفه =فرقاه توجع وأنا القيفان موجعها

نفسي عن البيض منهيه ومصروفه=حبّه منعني وفاء والعين مانعها

قلبه صفى لي ولا وفّيت معروفه=وألي بقى ذكرياتاً قمت أراجعها

رسمة له بيت بين الحلم وطيوفه =ولاّ القوافي عليها وسم مبدعها

لاجيت ..تنشد.. عن.. المحبوب.. وظروفه= أرجع.. لنفس القصيده.. شوف مطلعها

الضيقه ألي تلوف الصدر وتحوفه =في كل ليله وروحي فيك أنازعها


&الاصيل&