خيانة الصديق..!!!!

ياليل مادامك ضويت وجيت فارحب لاضويت = غير الهموم اللي معك ياليل ويش ابغابها

قد لي ثلاث امرار وانا كل ماشفتك لفيت = سلمت نفسي للهموم جباريٍ وارضابها

ادري كذا طبعك مع العالم لكنك مادريت = انك نسيت البعض منهم ماطرقت ابوابها

انا لونّي مثل ابن هذال ولا بن نحيت = كان البيوت الغامضه عرفت كيف ابدابها

لكن بوضح للقصيده كل شطر وكل بيت = حتى يفسرها الفطين منين ما غنابها

وردت لي (عدٍ) وانا ضميان وابغى لي مبيت = وحصلت ناسٍ تشرب وناسٍ ملت مشرابها

فاخذت منه مايبل الريق لاكن مارتويت = عدتني من العد قومٍ وقفت بحرابها

كظمت من مابي على راس البهام ولا حكيت = لأن الليال السود قدمي كشرت بنيابها

الله واكبر يازمان الغدر والحض المميت = عز الله انكم فزعةٍ فالضيق مايغزابها

خلقت في الدنيا على احسن حال لاكن ماوعيت = الا وانا بين الأسود الجايعه وذيابها

والله اكبر يارفيق الأمس ماظنك نسيت = حتى تجاهلت الجمايل فيك وانت ادرابها

عزالله اني خاب ظني فيك واني ماهقيت = ان المصايب ياقليل العرف انت اسبابها

عديتني والعد جمه وانت ماعمرك ضميت = حتى تعرف ان الضمى لاناش كبدٍ ذابها

لاكن بقول الله يجزاك بخير كفيت ووفيت = ولابد من سود اليال تنوشك بمخلابها

ياعد ليه الناس رويت منك وانا مارويت = ولا على قول المثل ( لاول غبش واقفابها )

انا بعد عندي مثل يقنعك دامك ماكتفيت = ترا المثل قد قال ( اهل مكه تعرف اشعابها )

وانا ضويت وجيت وأدر اني ليا مني ضويت = يعني ضويت ( اما بها ولا بقطع ارقابها )

ياليل قصت حزن عنوّنها ليا منك سريت = من بين قوسين اكتب ( اصحابٍ تغدر اصحابها )