ألى متى؟؟

ياهواجيسي تعالي دلهيني عن شقايه=طال صبري ياهواجيسي دخيل الله تعالي

رحلتي رحلت عنا وحكايتي نفس الحكايه= ان سلمت من الشقى قام العنا يفتل حبالي

مر يبراني شقاي ومر يبراني عنايه= ون سلمت من العنا ماعاد يتركها الشقالي

من فقدته مايباريني أعرف انه ورايه= أدري انه ياورايه يايميني ياشمالي

أسألوا سود الليالي ويش ذنبي وش خطايه=وفتحولي فذلكة تحقيق مع سود الليالي

ماهي القصه؟ وما ذنبي؟ وما نوع الجنايه؟=ياشقاي ويا عنايه جاوبولي عن سؤالي

تهت في واد الضمى خلف السراب أجحد ضمايه=واتجمم ريقي الناشف والمه من خبالي

اتراجع والهوى والطيش يقنعني برايه= خطوتين ونص دون المنعطف واشغف رحالي

المهم الى متى؟؟ وانا متيم في هوايه= ياغلا في حبك المزعوم واسرفتي بحالي

ياغلاي الى متى وانتي تحلفين بغلايه= باح سدي ياغلا ونتي تقولين انت غالي

والغلا لابد بس مع الغلا لابد غايه= والحقيقه غايتي ومناي شوفك بالحلالي

اجتمع فيك الدوا والدا ولاعنك اوقايه= بس ماريد الوقايه عنك رغم اللي جرالي

والله اني خايف اتشوفين نفسك بالمرايه =وتعشقي نفسك وانا بعدين من يعشق جمالي

لوتقولي تم فكيتي بها رمز الحمايه =وانا اقولك تم لوتبغين من أغلى حلالي

سجلي في قوقل القلب الشقي صفحة بدايه= وكتبي رمز الغلا والسر بالسطر الموالي

ثم بصبعك الكريم أنتر ودشي للنهايه=تملكي حق التجول بالحشى والانتقالي

ولاوصلتي كنترول القلب طلي في سمايه= لاعكس ضو الرومنسيه لصاحبة المعالي

والمشاعر باجمل الالوان غطت لك فضايه=زهري ووردي وفسفوري وموف وبرتقالي

وأسكني فندق كبار العاشقين أفخم بنايه= وسكني بلوش والله ماتسوقين الريالي

ولاسترحتي من عنا المشوار لفي في حشايه= تتبعك فرقة شرف وتقابلك فرقة دلالي

من شروط الدبلوماسيه تطشين العبايه=تدخلي مركز شئون العاشقين براس عالي

ولاتربعتي على عرش الغلا أقرالك أيه= أية العشاق من عذب القصيد اللي طرالي

ثم انتي صفقي ودللي ومشي معايه= وفرحي يالانسه عليا بابو زيد الهلالي