فديت اللي تغنابي قصيد ودمعتين وفال

فديت اللي تغنابي قصيد ودمعتين وفال=زعل مني وارضاني ولايقدر على غيابي


قراني واستفز اللي قراه من الحكي امثال=تمدن في خفوقي شوق من أول آه لأهدابي


تباهي في وصالي بيت وشمــّخ بالبها موال=وبيتن سابق اللهفه..... يبي ياصل على بابي


وبيتن من ضناة الشوق تلوع في حمول ثقال=لاهو قادر يخليها.... ولايقوى على عتابي


احس بصادق شعوره يفز من الهوى مرسال=عن التصريح ليا ابدى غرق في مجمل كتابي


قسم بالله ماأرضى سواه من الغلا رجال=على كيفه يمشيني واحس الكون يهنابي


انا وشلون ابتجاهل وانا كلي غلا ينقال=فضحني عاشق بصدري بنبضه دوم يزهابي


احبك من هنا حتى تهذري في هوانا أجيال=ودادي قسمتن تُـــكتب علـــشاني وبأسبابي


احبك كيفما تدري...... إذا كان الغلا مدهال=احبك نايف بعيني....... وتتبعني وترقابي

&الاصيل&