مدري وش اللي ساقني للمراجيـح

مدري وش اللي ساقني للمراجيـح
وشفت العنود اللي تلاعب ولدهـا
ماكنها الا غصن يوميبـه الريـح
واثر الهوى يفضح معالـم جسدهـا
ومادامت النظره تجي دون تصريح
اثر الجمال يبيـن لا شفـت يدهـا
عيني على عينه وابي منه تلميـح
وعينٍ على الارداف ورزت نهدها
لحظه وخايف يخذل الحظ ويطيـح
مثله هـلاك القلـب لـو يفتقدهـا
قربتله ثـم صـد سيـد المماليـح
واقفت عن الانظار تمشي وحدهـا
جيته وقالتلي ابي منـك توضيـح
انت لها قاضـي وتحكـم بعدهـا
لو كنت أنا اختك قوللي دون تجريح
وش يسعدك تسمع لمنهـو طردهـا
هي اصدمتني بالعدل كيف انا ابيح
وان جيت ابكذب حكمي أمر وادها
درس تعلمته وقفـت مـع الريـح
ونار الخجل فينـي تزايـد وقدهـا
لا عاده الله يوم جيـت المراجيـح
والا انا وشلـي بالعنـود وولدهـا