رايـــــــــــــــة التوحـــــــــــــيد

رايـــة التـوحـيـد

صهيل الخيل يدوي بالسماء والبيد بعد البيد=خيول جامحـه والعشـب قلعتـه حوافرهـا
اصايل تنحر البيدا تسيـر بدربهـا ماتحيـد=اصايل والاشـارة منـك تنهاهـا وتامرهـا
خيول جامحه يوم الوغاء وتقول يوم العيـد=خيول مادبرت بالحرب مرتفعـه نواظرهـا
علو بظهورها فرسان والفرسـان بالتحديـد=رجال لو تشوف الموت يطعن في نواحرهـا
تقدمله ولاتهابـه شجاعـه والعنـاد يزيـد=كتيبه ماشيه بالحق ورب الكـون ناصرهـا
كتيبة تعتق اللي جرحه بيـده حديـد القيـد=سرت والموت يحفر بالصحاري في مقابرها
تقدمها عريب الساس حامل رايـة التوحيـد=توجه للريـاض ولايفكـر فـي مخاطرهـا
علا صقر الجزيرة سورها وانقض للتسديـد=وروحه للرياض يسوقها ماهـو بخاسرهـا
خطب يد العروس وجالها عاشق على ماتريد=وهداها اللول والالماس يبرق في اساورهـا
وقدرله عظيم الشان يحكم بالوطن ويسيـد=وسيف العدل يقطع كل فتنه مـن مدابرهـا
وجمع شمل البلاد بأمن بعد الخوف والتنكيد=وخلا العز لابسها وثوب الشـرع ساترهـا