دمعي جرى لا متى مجراه !!!!!!!

أبــدا لحن لـيـلـدانــا دان=أبنـي بـيـوتي على بنـيـاه
برسل رساله وهي قيفان=للي محد يحتـمـل يجفـاه
يالي فـراقـه دوى إنــسان=مـن عافنا بالهـوى عفـناه
المشكـله عــشقـنا سلطان=كـل مـبتـعـد لا متى نقـفاه
يا صاحبي بشتكي حرمان=قلبي تقـطع عـلى فرقــاه
مدري متى بحتـمل نكـران=جرحي متى يا عرب يبراه
واعـلتـي يا عرب بحسان=نحسن متى حسنـنا يبغاه
الله لنــا مـن غبـن خـلان=نشكي عسا بالدعا نشكاه
يكفي تراني شبه مرضان=وحدي على الهوى وقساه
عيني بكت من غبن أزمان=يالله عسى عمرنا يصـفـاه
نصبر ولا نشتكي بحيان=مدري متى دنيتي تفناه
لامر زمن بهتقي رفقـان=كانو لنـا من وفا شـرواه
برسل شكايه شكا شفقان=ودي يصل لا طرى طرياه
يا رب طلبتك طلب غفـران=تدمح ذنوبي لجـت مجنـاه
برسل قراري وسط عنوان=الحب كرهتـه عسى ننساه
نصبر كفايه وفـا عـرفـان=نحفظ وداده عسى نغلاه
روحي عزيـزه ولا تنهـان=يكفي سلامي لمس يمناه
يا كم معي تنقفـل بيـبان=أفتح دروبي تجي غلقـاه
يا كن على صدرنا ورقان=راسي تقل بالحشا مرساه
من قد صبر بالصبر صبران=صابر قسى مع صبر بـلـواه
مدري أحـد مثلنـا رويـان=المـر معـه منـدلي دلـواه
وختامها يا عرب غرقـان=دمعي جرى لامتى مجراه