انا ماكنت ابي ارضخ.......خالد بن سند القاضي

اشق الثوب من ضيقه واناظر والدروب اطوال=واعلق بالامل فرحً تلاشى من ردا حالي

واشوف الحزن جاء فازع عليه من ردات احوال=يخاويني تقل فالي وانا اشهد صار لي فالي

انا ماكنت ابي ارضخ من الضيقه لسوء الحال=الى اني رائيت اشياء تعكر صفوت احوالي

سكن وسط الضلوع الحدب همً جر بي موال=وانا معذور ياهل الخير يوم اجر موالي

سباء عقلي هدم حلمي حزن يجتاحني بليال=يترجملي حروفه في جميع انواع واشكالي

فقر فرحً غنى حزنً مقابل كل يوم انذال=سبايب حزني المكبوت ووقتً لاعب ابحالي

وانا ماذكر ذكرت اللي بوسط القلب به تختال=الى اني حدرت الدمع كنه سيل همالي

هنوفً من غلاها صار قلبي للعشق منزال=خذتني من جميع الناس صارت خير منزالي

خذتني للفرح لاكن حدوني عنه العذال=يبوني للحزن عبدً انفذ كل ما قالي

وانا رجلً رقا بالطيب تشهدلي كثير ارجال=منومس لابتي دايم مدام الطيب بفعالي

ينومسي فعل ربعي (جهينه)صفوت الابطال=ليال الموت يومنه تبين افعال الابطالي

وانا ممشي مع العذال ولاسمع هرج قيل وقال=انا رافع مقامي عن سوالف كل عذالي

خذا غيري وانا اناظره من يديني الفنجال=هذا فنجالي الاول واخاف اللثاني فنجالي

تعودت القهر والغبن يرعشبي تقل زلزال=احاول اوزن المشيه ولاكن زاد زلزالي

وطلبت العين كم مره تكف الدمع لاكن سال=تقول اشلون انا اكفه وانا ماشفتلي غالي

ابذرف دمع ماهو دمع كنه محتمي بالصال=ايلا منه تناثر يحرق الخدين لاسالي