كل الكفوف أكفان للكيف والكم !!

ياساعي بلحظه ويسعد بها انسان=ضميان لوفي همتك تارد الجم
معك الزمن عايش على قدرالأمكان=وكل الكفوف اكفان للكيف والكم
بالدرب قدامك حواجز و بيبان =الله يعينك بين الا كراه والغم
لك يازمن قوه لك أنصار وأعوان =جموع لوناديتهم صوتو سم
حتى ولو عيشت مذله وحقران =تعودو للذل والسب والذم
تفكيرهم بالمال لايصيرنقصان=هذا المهم وماتبي غيرها تم
اقلهم من صار بالوضع هيمان=ضايع مابين الفتح والكسر والضم
أصبر ومالأحسان إلا بالأحسان=وأفهم بأن الوضع ماخص لوعم
وأرحل بفكرك بالجزايل والالحان=وأسبح بعزم(ن)عانق لموجة اليم
وأرقى بخيالك بين غيمه وهتان=أترك هروج اهل المتاهات والنم
وأنثر همومك كل ماهاضت أشجان=والله يعينك بين الاكراه والغم
لله حكمه بالتفاوت بالاذهان=من خاطب العميان في لهجة الصم؟