حفل زواج الشاب فهد سلمي الحبيشي الجهني

احتفل الشيخ سلمي جابر الحبيشي بزفاف نجله الشاب فهد في يوم الاربعاء الموافق 20/7

في قصر الساحه بالعيص وقد ازدان الحفل بحضور عدد كبير من مشائخ قبيلة جهينه

وافرادها ووجهاء مدينة العيص

وهذه القصيده القيت في الحفل وقد نالت استحسان الجميع

للشاعر سلامه سعد مزعل العنيني الجهني

في سماء ليل الفرح والطيب وعلوم الكمايل= ليل به جمع الاحبه والفخر ساس وكيانه

مرحبا مني نيابه عد براق المخايل =والتحيه للجميع اهدي بها طيب وميانه

يوم ارحب لي على الميقاف من طيبه دلايل =لي على الميقاف دل ولي على المعنى رزانه

عند شيخا من علو القوم من روس الحمايل= في دروب المرجله من طلعته مسرج حصانه

الكريم النادر المعروف محمود الخصايل= بالكرم والطيب بين أهل الوفاء عالي مكانه

صاحب اليمنى الندي اللي على الطولات طايل =في جميع انحاء الحياه ليامشى مرفوع شانه

سلمي أبو صالح وبه نعم نعم الكل قايل = نعم فيه اعداد من بالكون من انسه وجانه

لابس ثياب الفخر والمجد في طيب الفعايل= بالفخر والمجد بين الناس له حصن وحصانه

به يليق المدح والتمجيد وحروف المثايل= ما يليق الابه وبامثاله المدح وبيانه

شيخ حاز الطيب كله مركزه بين الاوايل=يستحق المدح والله والشعر مبدأ وامانه

أمدحه من عرف حلال النشب عند الثقايل= له تلين المعضله من عزم لين الخيزرانه

المواقف يحتميها لوبها شهب الوحايل= لو يجور الوقت والميقاف ماهز اتزانه

الشجاعه درع قلبه لا يخاف ولايسايل= من سلايل مزبنين اللي شكا الضيم بزمانه

من حبيش اللي على الشدات بعلوم الصمايل= ينطحون الكايدات وخصمهم يلقى الاهانه

في ذراهم يامن المرتاع من هول الهوايل= له عن الخوف الامان بظل سيف وجبخانه

يوم عصر الخيل والخيال وظهور الاصايل= مروية حد السيوف حبيش في عزم ورصانه

الله اعطاهم سيادة جرح كبد لكل عايل= نعم والله في حبيش أهل الفخر في عنفوانه

نعم فيهم دون علم قصور في كل القبايل = الحقوق موثقه والطيب للطيب ضمانه