من روائع الشاعر خلف المشعان

قصيدة في قمة الابداع وفكرتها رائعة جدا

ياكثرهم لا قلت لك عرفت أوجيه=وياقلهم لاقلت لك قـدر ومعـزه
رجلٍ تعزه بعـد ماتلتقـي فيـه=ورجلٍ قبل ما تلتقي بـه تعـزه
ورجلٍ ترزه بالمجالـس مباديـه=ورجل فلوسه بالمجالـس تـرزه
ورجلٍ ضعيف ويستفزه معاديـه=ورجل كلام عداه مـا يستفـزه
ورجلٍ يهزه بعض موقف ويشقيه=ورجلٍ ماهو بأيات موقف يهـزه
ورجلٍ تلزه يعترف لك بخافيـه=ورجلٍ على خافيه محـدٍ يلـزه
ورجلٍ يوزونه ويزعل بنيخيـه=ورجلٍ يزعل من يحاول يـوزه
ورجلٍ تكزه لازم انك توصيـه=ورجلٍ بليا مـا توصيـه كـزه
من لا فرش المرجله ما تغطيـه=ومن لا يخز الناس محدٍ يخـزه
ان كانها عرفه فهي عرفت اوجيه=من قالك بالقلـب قـدر ومعـزه