مصافحة اولى(الهنوف)

مصافحة اولى
هي أول مشاركاتي في منتداكم الرائع ..
باسم الهنوف ( وطبعاً ماهي أي هنوف .. )

لن اقدم القصيدة فهي تعبر بنفسها عن نفسها

بدوار الله أكبر فـي تبـوك بشـارع الخمسيـن=قريت الله أكبر قلـت عـاش الديـن والقانـون
تمـام الثانيـة بثنيـن واحـد ليلـة الاثنـيـن=من العام الجديد اللي عسى فيه الفرح مضمون
مـن الميـلاد فـي عـام أربـعـة والفـيـن=نويت أطلق سراح الهاجس اللي بالحشى مسجون
مساجين القوافي في قفص قلبـي لهـا عاميـن=تـدور للمنافـذ وانفجـر بركانهـا المخـزون
تصادم رد فعلي مع شعوري واصبحـت ناريـن=بعد ماهي شرارة طايشة مـن جمـرة الغليـون
تعالي ياقوافي وابعديني عـن حـروف السيـن=تعالي يامواقف والحقينـي يـا حـروف النـون
أنا مفتون في حب الهنوف اللي غطاهـا الزيـن=وانا مجنونها مثـل أن ماليلـى لهـا مجنـون
تمكن واغتصب واجتاح قلبـي داعـج العينيـن=قسم بالله اموت بحبهـا والنـاس مـا يـدرون
وكثير اللي يقولون الله يعزك يـا كحيـل العيـن=وكل انسان عارف قدرها فـي حبهـا المفتـون
تعطر من نسيم المعجزات ومحمكـة يـا سيـن=يليق بجسمها الطاهر يليـق بخدهـا المزيـون
اخذها فارس الاحـلام وشهـوده معـه ستيـن=تزوجها على الملـه وحلـت لـه بـلا مـأذون
كتب من فوق طرحتها غلاق التسع والتسعيـن=وشهادة حق لا تنكر ورمز الفـارس المسنـون
توطى في مناكبهـا وعلمهـا باصـول الديـن=تسلمها يـد المؤمـن وتأخذهـا يـد المأمـون
حياة معززة في ذمـة الخامـس الـى هالحيـن=ونفس المنهج الاول عليـه الاربعـه يمشـون
ثقيلة ثقلهـا لنـع ظفـى تخضـع لهـا بكّيـن=وواشنطن ولندن كلهم فـي شورهـا يرضـون
تراها مملكتنـا الغاليـة ياللـي تقـول منيـن=وهل يخفى القمر ياللي على نور القمر تسـرون
لمـاذا مانتغـزل بالجبـال وبالحجـر والطيـن=ترعرعنا بها وشلـون مـا بنحبهـا وشلـون
أكررها مقسما بالله أغلـى مـن سـواد العيـن=فداها عمري الغالي ويرخص لاجلهـا ويهـون
نعيش بعـز مـولاي المعظـم خـادم البيتيـن=نصرك الله مثل ما إنه نصر موسى على فرعون

اخوكم
حميــد بن متروك السناني