ياخلق الكون كله

هنا اضع قصيدتي المتواضعه امام ايديكم لعل وعسى الن ترقى الى اذواقكم
وتقبلو فائق الاحترام

يالله ياللي خالق الكون كله= اللي خلقنا بين صلب وترايب
ابدا كلامي والكلام استهله= ياما لقينا بالحياه العجايب
بنيا على درب المهونه مذله= لابد ماتصفق عليه الهبايب
ومن لا يقدر في شبابه محله =ماقدروه الناس لا صار شايب
ومن لا يعقد الحبل والا يحله = مافيه خير ولا يفك النشايب
من عاتب الصاحب على كل زله= يعيش بين الناس ماله صحايب
وصاحبك لنه جاد لا تستغله = رد الجيل بمثلها للحبايب
الله عطا الرجال عقلا يدله =والعقل من عند المقدر وهايب
ياوقتنا سيف الردا لا تسله= على ارقاب معذبين الركايب
رجلا على طول الدهر ماتمله= ورجلا على شوفه تجيك المصايب
رجلا مثل سنجال ون ضل ظله= ورجلا سراب ليا حدتك الهايب
انا فطنت لشي ماحدا فطنله = الإ الرجال محزمين العطايب
بيتا يلم اهل الكرم تحت (ضله) = جعله عمار ولا تجيه النوايب
الطيب له نبراس والكيف دله = والعز تاجه والضماير رحايب
وبيت يلم اهل الهروج الممله = مقعد خزى مايجمع الا الخرايب
امخمخمين الهرج دقه وجله =مغتابة المسلم ليا صار غايب