عتـــــــــــــاب أحــــــباب

يقــــــــــــــــــــــــــــــــــــول

أشغلت فكري بما صابك = يلي منه تشتكي وتريد
شهرين يامكثر غيابك = أخاف انك عليها تزيد
عذرت في رفقة أصحابك = ولازلت ياذا الشقي محيد
صاحبك لو غبت ماسابك = مهما نحى وأنتحيت بعيد
لكن أشرح لنا أسبابك = وش الذي غيرك ياسيد

ربان الهــــــــــــــمر

يامرحبا والذي جابك = بالهون تكفا علي لا تزيد
صاحبك وان غبت يدرابك = ذكراك عن خاطره ماتهيد
للأن وانا أحسب حسابك = مسكانك القلب بالتحديد
ومثل الذي صابنا صابك = ياصاح ماهو عليك اجديد
لكن حصل خير للأحبابك = ولابدنا نلتقي ياسيد