ماهو بعيب ان الرياجيل يخطون ؟ ! ؟

انا لقوم ا لطيب والعـرف مديـون=افخـر برفقـة طيبيـن المـبـادي
الله خلق للادمـي عقـل وعيـون=لولا العقل كان اكثرالنـاس غـادي
ماهو بعيب ان الرياجيـل يخطـون=العيـب تكـرار الخطـا والتمـادي
امون فوق الصاحب الشهم ويمـون=على النقا هذا هـواااااي ومـرادي
لكن لاجامل ولا ارضى على الـدون=وغلطت خوي الجنب ماهي بعـادي
وليا تعذر واعتـذر قلـت ممنـون=ماهو خسارة فيـك ملحـي وزادي
وان ضاق واقفى قلت ماضيّق الكون=راجع ضميـرك ياسليـم الفـوادي
ولايمكن اسمع فيه مهمـا يقولـون=لكن عنه اصيـر داااااايـم حيـادي
ماهي على هامان تمشي يافرعـون=ترى البروق تلوح والجـو هـادي
ترى البسيطه فوقها الناس يمشون=وبين السماء والارض حر وبـرادي
الرزق عند الله ميسـر و مضمـون=الخالـق الـرازق كفيـل العبـادي