بدون اعذار

سواد العين واهداب الرموش وخصر يوم يميل = غدوا بالقلب ياجرح الغلا يا مصعب علاجه
انا لا من ذكرتك يغتشيني شي مثل السيل = الى منه حدر مع واديا بالحيل محتاجه
واحس بداخلي طعنه بلا رحمه ودبكة خيل = وبصيص من الأمل يظهر وتالي عود أدراجه
الى غبتي عن عيوني تصير الشمس مثل الليل =انا وشلون اشوف الكون وانتي عندي إسراجه
انا لي بالغلا وقفه على دربك تهد الحيل = على ذكراك تنسيني ضجيج الكون وإزعاجه
واغوص بماضياً مثل الخيال ويشبه التمثيل = على صفحات تاريخ العمر تغدي بي أمواجه
ابا ارحل دون ما تشعر واكيل اللوم لك وتكيل= لي اعذارك على وقتٍ مضى مالي بها حاجة
كفى تعذيب بغيابك وبحضورك اذوق الويل = على راي المثل من وين ما لقيت منعاجه
انا وشيب عيني كل ما شافت بروق تخيل = تمنيت إني أرحل مع وسيع الكون وفجاجه