اهدأ لمشرف منتدى الشعر وابو اشرف النزاوي ولكل متذوق الشعر

خذها نصيحه كل ما ضاق خاطــــــرك = اصبر ويعطيك الكريم المســـــره
لا تشتكي للناس تجرح مشاعــــــــرك= تنبش عليك الجرح ويزيد حـــره
الناس لو زليت ما عاد تعـــــــــــــذرك= ينسون ما سويت من خيــــر مره
اصبر على الشدات من شان ابشـــرك= لا بد من حلوه تنسيــــك مـــــــره
وان كان لك جنحان للعز تشهــــــــرك= اكفخ بجنحان السعد لا تشـــــــره
وشاور حكيم ان كان ضاعت بصايرك= اللي يبرك بالنصيحه مبــــــــــره
واخذ الحياة بهون وابعد عن الفــــرك= ترىالنشب بدنات شيا تجــــــره
ان كنت قاسي عاتي الوقت يكسرك= ودور مشاريهاً عليها تشـــــــره
ابعد عن المنقودالديَن والشـــــرك= وراسك عزيز معتلي للمجــــــره
وان كان دربك مايقديه ناضـــــــــــرك= دربك صعيب وحاجة الناس مـره
وترى البلا وان حل في ظفر خنصـرك= ان ما قطعته يلحق الجسم شــره
وربعك حزامك باللوازم ذخايــــــرك= مثل الجنيه اللي لوقته تصــــــره
واللي على شان المصالح يقــــــــدرك= يبداء صديق وينتهي بالمغـــــره
واللى على الغفلات قام يتغــــــــــررك= عقرب ثرى تلدغك من دون جره
على سبيل المزح يجرح مشاعرك= فرقاه عيد ولا تجيك المضـــــــره