كلمة بدو ! ! !

ياتايه أنشد من يفيدك من النـاس=ان كان تجهل بأصلنـا والحضـاره
انته سقيم مالك آصـل ولاسـاس=ماينعرف جـدك ولا لـه صـداره
وكلمه ترددها على طول الارمـاس=تعنيبهـا تصغيـر مـدري حقـاره
تجهل معانيها ماهيب هرج جـلاس=اصل وفصل بالطيب نجني ثمـاره
تهزآ بها كلمة( بدو) ترفع الـراس=تعني لنـا كوكـب يـدور بمـداره
حنا(البدو)فينا الوفاء طبع واحساس=نوفي مع الوافـي ونحمـي ديـاره
حنا (البدو) عز ومعـزه ونومـاس=فينا الولد يرقاء الصعـاب بجـداره
حنا الاصل حنا التقدم بـلا قيـاس=تلقى مجالسنـا مجالـس وقـاره
حنا هل التوحيد لاضاقـت انفـاس=نقسى على الظالم ويظلـم نهـاره
وحنا هل التاريخ والعلـم بقيـاس=كم سجـل التاريـخ عالـم بـداره
وحنا هل الكلمه والاريـاق يبـاس=نضرب بحد السيف الابتر شطـاره
وحنا لنا في كـل ميـدان قرنـاس=ماكر حـرار ولايهـاب الخسـاره
وحنا هل الفزعات مع كل الاجناس=وحنا هل الطولات ياهـل الزبـاره