سنين مرت !

سنين مرت في حياتي مريبة=اصعب من اللي شافها شعب بيروت
جلست افكر بالحياة العجيبه=اللي تدور بسرعة البرق والصوت
وايامها تجري بسرعة رهيبة= حتى السنة لو جات ياسرعها تفوت
عصر التطور والحياة الغريبة=ومما نشوفه اصبح الفكر مبهوت
اليوم هم الناس قرشه وجيبه=ومن كان جيبه معتمرصارمبخوت
هذا يصفقله وهذا حبيبه= ويشوف نفسه بالبحر كنه الحــــــــوت
مايدري ان القبر ساعة قريبه= مهما يطول العمر يحمل بتابوت
ومن قل ماله مالقى من يهيبه=يعيش عمره في مذله ومـكبوت
يبقى بوسط الناس كلن يعيبه=وبالفقر دايم داخل السوق منعوت
حضوره اصبح مايعتدى مغيبه=وكلن يراه بنظرته شخص هلفوت
ماهمهم شخصا تعلى بطيبه= ملوك العرب والروم قفى بها الموت
وقارون ماله بالعدد من يجيبه=ذهب وفضه بالصناديق منكوت
مارد عنه الموت ولاهوطبيبه=ولا فادت امواله من جواهر وياقوت