جــدار الطــيـن

سلام الله على عصر سقاني بالهوى فنجال=وسلام الله على ليل تراقص فيه نجماته
تذكرت الحبيب الي غدا بالقلب له منزال=اشوف الموت بعيونه يعذبني بسكراته
حبيب ماقدرت انساه بين الحل والترحال=خياله لو تفرق وسط عيني جَمّع شتاته
يذكرني به البيت القديم وضحكة الجهال=وهمس الليل وسكونه يذكرني بنبراته
يذكرني جدار الطين لامنه بظله مال=سوالف بيني وبينه تطول بطول فياته
ونفحة ماضي الذكرى توقفني على الاطلال=وقفت وفاضت شجوني تخيلته بوقفاته
وسحاب الصيف لامنه تساقط وبله الهمال=رسم بسمه على عشب الصحاري مثل بسماته
حبيبي لا تضيعني بدرب التيه والاهوال=انا تعبت مجاديفي بحرٍ فوق موجاته
دخيلك لاتعذبني تزود شمتة العذال= اخاف القلب من دونك يموت بزود حسراته
ترى هم الليالي لو تزايد والسهر لوطال=ودوايه في يد العاذل ترى ماقلته هاته