مشتاق لك بالحيل وينك أناديك

مشتاق لك بالحيل وين انت أناديك=صوتي احاول يوصلك وأنت غايب
يلي ملكت القلب والروح بيديك = لا يابعد كل ؟؟ و القرايب

ياجمل حبيب(ن) شافته عين مغليك= ياأصدق سعاده في زمان العجايب
ياحلى موده عشتها دون تشكيك= يانبض عمري يااعز الحبايب

في غيبتك كل البشر ما تساويك= من هو؟يسلى خافق(ن) فيك ذايب
كل(ن) سأل محتار وش صاروشفيك= وشفيه قلبك من هنا العمر طايب

هم مادروا اني صرت كلي بياديك= و الروح من فرقاك راحت ذهايب
يرضيك هذا الحال ياشوق يرضيك = توقد لك الذكرى بصدري لهايب

حيران فكري بين هذي وهاذيك= نسيان حبك والرجا فيك خايب
لومثل ما مشقيني البعد مشقيك= وقت انسكب دمعي دموعك سكايب

أرجيك ثم أرجيك وأرجيك وأرجيك= لاتطول الغيبه وأعود الترايب
لاتقطع وصالك وأعود وأناديك = واكيد صوتي ياصلك وأنت غايب