قصــــــــــــــــــــيدة

قال الذي ولـف الأمثـال وانشاهـا = ورتب حروفاً عن النقصان مضمونـه

تعبير عن عزوتـاً يفخـر بطرياهـا = ربعـاً عزيزيـن واللافـي يعزونـه

ربعي جهينه لهـا تاريـخ يحماهـا = وانسابهم عن مجال الشـك مصيونـه

منبع كرم ماضـي الأيـام واتلاهـا = يشهد لهم كل عصـر بمـا يسوونـه

حاولت اعد القبايل واذكـر اسماهـا = بحروف عن الخطاء والزيف متقونـه

منهـم مراويـن مرفوعـه رواياهـا = وقضاه منبع وفـا والحـق يعطونـه

وفوايده طيبها مـن طيـب ممشاهـا = ورفاعـه اللـي يعاديهـم يضدونـه

ومنهم علاوين قومـاً تقهـر عداهـا = وكشوش للضيف وبلاً تمطر مزونـه

ومنهم محايا رجـالاً تكـرم لحاهـا = وشطاريـه كـل متحـدي يحدونـه

وحبيش لا قامـت القـالات تلقاهـا = وصراصره طالـب العـزه يعزونـه

وسنان قوم اللـزوم بصملـة ارياهـا = وحشاكلـه بيتهـم مرفوعـه ركونـه

ونزا رجالاً لهـا صفحـات تقراهـا = وموالبـه ضيفهـم مـا يستفـزونـه

وفزوز قوماً على التقديـر مسعاهـا = وكتنه مساكنهم ما بيحـت حصونـه

وما عقب سميـر معروفـه مزاياهـا = وعروه هل الطيب ويعـدون بفنونـه

وحمـده لا قامـت الأيـام دعواهـا = وعوامره كل طالب حـق يرضونـه

ومنهم بني *** قومـاً لا عدمناهـا = وذبيان صفحاتهم بالمجـد مشحونـه

واشراف بالمجد معروفـه قضاياهـا = ومنهم عنينات عد الطيـب يردونـه

ومنهم ربيات قومـاً صافـي ذراهـا = ومشاعله من خاواهم مـا يخونونـه

وحساسنه توصـل القـالات منهاهـا = وزوايـده بيتهـم للـعـز يبنـونـه

وعنمه قومـاً تـذري مـن تنصاهـا = ومنهم عرف فاعل الأحسان يجزونـه

وثقفان للجار قومـاً حامـي حماهـا = وصيادله مرقـب الأمجـاد يصلونـه

ودبسان بالطيـب معروفـه نواياهـا = وجرسان ما كـان معقـوداً يحلونـه

وشظفان قمة وفا لا صعـب مرقاهـا = ومنهم حصينـات زابنهـم يسرونـه

وهدبان يوم اللقاء تكثـر ضحاياهـا = وصيايده شورهـم دايـم يحكمونـه

وحجور لأهل الوفا مضمون مجزاها = هو منبع اللي بدا بالقـاف ويصونـه

والعفـو لابـد بـه نـاسٍ نسيناهـا = من غير مقصود والمعنـى تعرفونـه

عبرت بحروف مـا بيّنـت معناهـا = موجز وكلاً يـدل الطـرق بعيونـه

لو قمت بأحصي جهينه مقدر احصاها = واللي نسي شي واضـح لا تلومونـه

قبيلتـاً طيبـهـا يـبـرا مسمـاهـا = بيت الشرف يعمرونـه مـا يهدونـه

قبيلتي دائمـاً فـي روحـي افداهـا = واحساسي بخدمة الجهنـان مرهونـه

وارج السموحه من اولها ليا اتلاهـا = وصلوا على اللي شرع بالدين وركونه