بصراحه اول مره أدخل على الفوتوشوب مدري الكوفي شوب حملت برامج جديده وحطه لي الفلبيني من ضمنها ببلاش مع البيعه و حاولت اني اسوي شئ لو بسيط طول البرنامج عندي وما مشى على الزيرو قلت خلني اخبص فيه وشوفوا وش طلع معي مع اني احس
انه يبغاله شويت تعديلات و اعطونا خبرتكم اكمل المشوار ولا أحذف البرنامج
المشاكل التى واجهتني
طبعا الخلفيه بيضاء اكره الشئ هذا ابغا الخلفيه شفافه >>يتشرط
الفكره ما يحتاج مقتبسه وانتم عارفين والله يستر لا يشتكون على الحقوق المدنيه
حاولت احط الصوره في الصور الرمزيه تطلع لي الصوره حجمها كبير لازم 150 في 150
ابغا النك نيم متحرك لازم برنامج فلاش ولا عن طريق الفوتوشوب
يعطيك العافيه العنود على التوضيح والشرح الوافي الذي استفد منه كثير رغم الصعوبه لاكن لا أعترف بالمستحيل النتيجه ستظهر قريبا و ستكونين انت خلف هذا النجاح ؟؟.
أنا حتى البرنامج ماهو راضي يفتح عندي تقول إنه عااارف
إني راح ألعب بحسبته
يعطيك العافيه اخوي عز وشموخ
وشد حيلك عقبال ما نشوف تصاميمك ماليه "السيد والبيد "
أنا اقولك ليش ما تفتح يا ابو فراس لأن الحد الأتماني عند وصل و ما سددت لازم تسدد شركة الكهرباء عشان يفتح معك البرنامج ولا بأمكانك تحط 50 في الصراف ويشتغل معك
الله يسعدك يا ابو فراس مرورك يشرح خاطري واخر شئ كنت اتوقعه اني احصلك في هذا القسم ماشاء الله عليك
اذا كنت تقصد حقل العمل " يعني اثناء شغلك تكون الخلفية شفافة "
هالشي تحددة من اول ما تفتح ملف جديد
من المربع اللي تحدد منه مقاسات حقل العمل
و موضحتلك اياه بالصور
و اذا تقصد بعد حفظ العمل ..
فمثل ما وضحت لك عنوده .. انك ما تحفظ العمل من خانة " save ae " "حفظ باسم "
تحفظ من خانة " save for web " " حفظ للويب "
و بكذا بينحفظ العمل بخلفية شفافة
و بالنسبة للنيك نيم المتحرك
مثل ما قالت عنودة .. عن طريق الايميج ريدي
و هو برنامج ملحق يجي مع الفوتوشوب " عالبيعة "
و تقدر تنقل له العمل من الفوتوشوب
تلقا خانة صغيره على يسار الفوتوشوب تضغط عليها تنقلك للايميج ردي على طول
و موضحتلك اياها بالصور
و فيه نقطة حبيت اوضحها لك ..
انت ما سألت عنها ..بس تدري لقافة حريم
بالنسبة للخط عند كتابتك لاسمك " عز و شموخ "
تلاحظ ان الخط متكسر .. فيه تعرجات كثيرة
و هالشي ممكن تعدلة من خيار موجوده عندك فوق عند خانة الخطوط
و موضحته بالصورة
اتمنى يكون شرحنا واضح
و اي استفسار ثاني ترا عنوده موجود <<< شالت يدها
هههههههههههههههههههههههههه
ترا امزح .. موجوده لخدمتكم
حياك أحاسيس و مشاعر وشهاده اعتز بها من صاحبة الأبداع و من تملك احساس رسامه في تصاميمها التى تروق للجميع و لا يهون البقيه و خيرك سابق وما نقول معك شئ
وبصراحه نستفيد منك ونقاط مهمه وضحتيها لي و بصراحه العنود و أحاسيس مدرسه نتعلم منها و ما قول غير الله يوفقكم على ما تقدموه
ماعندي سالفه !!
ماعندي سالفه !! 
النمط الخطي
