الله يجازي من يسوي سواتك

الله يجازي من يسوي سواتك = وبذنوب من سوى سواتك يجازيك

مشيت درب الثقل وتحب ذاتك = ماتدري إنه للمهالك يوديك

وغرك جمالك واخسارة حلاتك = ماتدري إن ماغير طبعك يحليك

بتقول زينك يشفع لسيئاتك = الحسن ماهو عن وفا الحب يعفيك

لو التواضع والوفا من سماتك = بعت الحبايب كلهم دين وأشريك

لكن عجزت اغيرك ياجرائتك = على الغياب اللي بلاعذر ينجيك

خطاي في توضيح ويش هي غلاتك = وخطاك في توضيح ويش هي تغليك

وشلون توصيني وتنسى وصاتك = وتصد عن صوتا"تقطع يناديك

مافادك التجريح والعذر فاتك = وتبي رضى الحين معاد يمديك

صحيح أحبك بس هذي جزاتك = بعلمك درسا"يفيدك ويحييك

تدري ويش أبيض من خفوقك؟!( عباتك.) = وتدري ويش اللي غرني نظرتي فيك

أدري وتستغرب تصبر وجاتك = قصيدة" من واحد كان يبغيك

وتبغي تناظر وأنت عايش مماتك = شوف وحدتك والناس تجلس حواليك

وتبغى تشوف اشجع رجل في حياتك = شوفني وانا مقفي على كثر مغليك