لحظـ ـ ـ ـ ا ت

قلبي من الطعنات كثرت مضاربه = وروحي على فرقى حبيبي مقاربه
من كل حدب وصوب تاتي همومها = من شامها من شرقها من مغاربه
العين هلت دمعها بعد ما رأت = ولذيذ المنام بكل لحظه تحاربه
سقى الله وقتاً كان ملتم شملنا = زمانك قليل إن كان تصفى مشاربه
صعيب الفرح لا من بغيته وعاندك = يجي الحزن برحاله ويبني مضاربه
يخيم عليك الهم والعمر ما بقى = تنازل من الايام دورت عقاربه
إلى من حسبت العمر لحظه بلحظة= على آخر الايام والشمس غاربه
تبدلت الاحوال واسود نورها = بدت تاقف الانفاس والروح هاربه
بدت لحظةٍ يصعب على العقل وصفها = على آخر النظرات ودع اقاربه
وشاهد أمامه كل ما فات وانتهى = صغار الامور كبارها مع تجاربه
فلو يطلب الرجعة ولو يكثر البكا = محال الرجوع بدرب والكل ساربه
فنصيحتي مادام بالعمر متسع= لا تقول أخربها إذا هي خاربه