العشـــــــــــــــــم ؟ ! ؟

يامسوي الفنجـال قـدم الكلايـف =ماعادله شـراب بيـن المخاليـق
قبـل مهاوينـا بـروس النوايـف =واليـوم طيبنـا ورا بلـة الريـق
خذ ماتيسر من علومـن طرايـف =دامك تبـا منـي عليهـا مواثيـق
الوضع قدامك مثل منـت شايـف =ظل السيوف وخل عنك التلافيـق
اللي منول في المنـازل رهايـف =كثر الصدا فيها وصارت معاليـق
لاعاد تلحق في زمانـك حسايـف =لن خالطه شرهـه وقلـة توافيـق
الروس شابت والمزاهب خفايـف =واليامتى وصدورنا هيضها ضيـق
ياصاحبي عان الركايـب نكايـف =وحمولها بعـد المغيبـه شواليـق
منت الوحيد اللي بجرف(ن) مهايف =غيرك من كبار المنازل مطاليـق
دنيا حدتهم فـوق روس الحتايـف =وامست عليهم كل الاشياء مغاليـق
تبى الصراحه عاد ليه انت عايـف =هو فيه شي معشمن فيـه ماذيـق
خذ ماتيسر من علومـن طرايـف =اليـوم طيبنـا ورا بلـة الريـق