وين اببحر ان غدى همك سفينه ؟

وين اببحر ان غدى همك سفينه ؟ = لاشواطي تحتويه ، ولا مواني
صدقيني ، مابقى في هالمدينه = غيرك انتي بين جدران ، الاماني
وافقي مادام هو اللي تبينه = غصب عني لو شرق فيها ، لساني
المصيبه ماهو إنك تأخذينه = المصيبه يأخذك ، وابقى اعاني
ما اتخيل ، كيف يلمسك بيدينه = وكيف يدخل قلبك ويأخذ مكاني
ولا اتخيل ، كيف اشوفك وسط عينه = وكيف صدرك يرتمي في حضن ، ثاني
المكان اللي جمعنا تذكرينه ؟ = والله انه مانساك ولا نساني
به بقايا حب ، واسرارً دفينه = وبه بقايا عطر وانواع والأغاني
ايه اببقى العاشق اللي تعرفينه = وآتحدى هالبشر قاصي وداني
وان طفى نور الشوارع ، والمدينه = حبنا لاينطفي تكفى .. عشاني