قصائد الشاعر : الشيخ حمدان بن محمد آل مكتوم.

الـعـذر يـابـوي لـــو ماشـلـنـي سـاقــي = الحـزن مـا طاقنـي والقلـب مــا طـاقـه
ياعينـي ابـكـي وساعـدهـا يــا خفـاقـي = ما هوب بعيبٍ يفيض الدمع ف احداقه
يـا مـوحـد الــدار .. يالمتـفـرد الـراقـي = والغيـم حـزنٍ جـذب الاحسـاس بـراقـه
اشــوف كــن النـهـار يـحـدر احـداقــي = واشراقـتـه مــا تشـابـه أيــة اشـراقـه
ومن يعذل القلب عن ضيقته لا ضاقـي = انسـان مشكـوك فـي مذهبـه واخلاقـه
ياحاكـم الارض و أول وآخـر اشواقـي = يفـداك قـلـبٍ حــزن فـرقـاك مــا ذاقــه
في غيابك النـاس ماتـت وانتـه الباقـي = لأنـــك الـغـالـي الـلــي يـذبــح فــراقــه
يبكيك من يغرس النخله على الساقـي = يبكيـك راعـي الشـداد وراعـي النـاقـه
والطيـب والجـود والـعـزه والاخـلاقـي = والارض وترابـهـا والبـحـر واعمـاقـه
شيخٍ مقامـه سكـن مـا بيـن الاعماقـي = حتـى الـزمـن مــن محبيـنـه وعشـاقـه

أنـســاك كـلـمـه مـالـهـا أيّــــة وجــــود بـمـرجـعـي = والـقـلـب لامـنّــه نـــوى غـيــرك حبـيـبـي بـامـنـعـه
تنتابـنـي ذكــراك مــا بـيـن الـوعــي والـــلا وعـــي = مــا كـنّـك الاّ بـحـر حلـمـي والمشـاعـر الأشـرعــه
مـن ويـن تطلـع كنّـك الاّ تقـول يــا شـمـس اطلـعـي = يتنـفّـس الفـجـر بنـفـس حسـنـك ويـشــرق مطـلـعـه
مـع إن فرعـك لـو رميـت الشمـس بـه عيّـت تـعـي = إن الـدجــا يـســري لـهــا مـــن دون مـــا تتـوقّـعـه
إن الــدجــا يـكـنــز عـبـيــره لـلـنـسـيـم الـمـطـلـعـي = كـلّـه عـلـى شــان النسـيـم المطلـعـي يلـعـب مـعــه
يمـتـد ليـلـي واشعـلـك شمـعـة غــلا بـيـن اضلـعـي = ويـمــر بـــي طـيـفـك ويتـنـاثـر بـصــدري واجـمـعـه
تحـتـاج تتعبـنـي وأنــا أحـتــاج لـــك وأنـتــه مـعــي = بـعـض المشـاعـر تتـعـب المشـتـاق لـكـن ممـتـعـه
مـوقـعـك مـــن قـلـبـي تـدلّــه بـــس حـــدّد مـوقـعـي = وبعـديـن خــذ قلـبـي وفــي دنـيــا غـرامــك ضـيّـعـه
وإن طاب لك شوقي وطاب لصوت همسك مسمعي = القلـب لـك والشـوق فــي عـروقـي بكيـفـك وزّعــه
القـلـب ملـكـك والفـصـول الأربـعـة مــن مطـمـعـي = دام التـقـت فــي مبسـمـك كــل الـفـصـول الأربـعــه

لا تحـسِـبْ وْرود تـنـثَـرْ لـــك غـــلا وتـفـلّـه = والبَحَـرْ عشريـن وِنْجومـه وْضِحْـك هْـلالـه
تعتـقـد إنّــي أنـــا مَـيِّــتْ .. وانـــا لا والـلّــه = آنـــا لا مـيّــت حبـيـبـي لا ولا الــلّــه قــالــه
لـى يبـي يقـرَبْ خفـوقـي مــا يجيـنـي بْـزَلّـه = زلّــةٍ أسْـمَـحْ لـهـا ومــن عقـبـهـا بِـزْوالــه
كـان عنـدك هــرج بتْقـولـه لقلـبـي قِــلْ لــه = وش علينـا بْهَرْجـة المسكيـن واللـى قـالـه
ما عرف شَيٍ في بالـي لا بغيـت أوصـل لـه = ويـذكـر اسـمـي يومـهـا وبحـلّـه وبترحـالـه
مـن يـحـب بـحـب ضـايـع قـلـت الـلّـه شـلّـه = ضـاع واللـي ضـاع عـنـدي إحتـيـاط بْـدالـه
والله لا احـذفـه أنــا ويصـيـر حــرف العِـلّـه = يالين مـا يضحَـكْ عليـه ابليـس قبـل عْيَالـه
لي (مَسِجْ) يكتب في بالي وعقبها أرسل له = ويـدخـل بْشـاشـات حـبّـه وينـحـرِقْ جَـوّالــه
مــــن خـبـالــه إلْـخـبـالـه نــيّــةٍ نــــاوٍ لــــه = ولا بغيـت ازيـد شــاف خْـبـال غـيـر خْبـالـه
أرفـعــه وارجـــع أذلّـــه وارفـعــه وآذلّــــه = ليـن أسمـع مرّتـيـن بـأذنـي يــا هــي حـالـه
ولو بغاني هو رقى لي والاّ انا ما انـزِلْ لـه = لا لـه انــزِلْ لا لــه ولا ألــف مــن أشكـالـه
ذا طريـقـي مــن عرفـتـك والطـريـق تْـدلّــه = الطـريـق الـلـي تـدلّـه لازم ان تسـعـى لـــه
خِـذْ مــن الشـاعـر كـلامـه والاّ حـبّـه خَـلّـه = أنــا آحـبّـك .. لا حبيـبـي لا ولا الـلّـه قـالــه

اليـوم عيـد اليـوم اغــلا مــن العـيـد = اليـوم هـذا غـيـر عــن كــل الاعـيـاد
واليله احلى موعـدن فـي المواعيـد = تاريخـهـا يحـمـل مـعـه عـيـد مـيــلاد
مـيـلاد كــل حـسـن والمـجـد والغـيـد = الـزيــن فـيـهـا كـامـلـن والـغــلا زاد
مـيـلادهـا سـمــوه شـيــخ المـوالـيـد = المجتمـع يفـرح بـه جمـوع وافــراد
كنـهـا غــزال داخـلـن قــادت الصـيـد = كـل الضبـا مـن خلفـهـا جــات تنـقـاد
والبحر يحسبها على السير في البيد = شوف البحر من حسنهـا صـا حسـاد
هي اغلا عنـد دودن مابيـن العناقيـد = بنت الشيوخ الي من امجـاد لأمجـاد
الشوق يحضنها من الايد الـي الايـد = متـسـيـده لــــن الـسـيــاده لـلأسـيــاد
يـا مالهـا يقـض علـى فـرحـة العـيـد = ياليتهـا فــي صـحـه لـهـا دوم ينـعـاد
اليـوم عيـد اليـوم اغــلا مــن العـيـد = اليـوم هـذا غـيـر عــن كــل الاعـيـاد

والله لاخلي السنيـن الماضيـه تعنـي = واوادع الناس وأرجع وآخذ المعنـى
يمـكـن حبيـبـي إذا غنـيـت يسمـعـنـي = قبـل البحـر يـا دروب الشـوق يبلعنـا
و إلــي خـذانـي وعـيـا مــا يرجعـنـي = والـدرب مجـهـول والتفكـيـر ضيعـنـا
تدرون قلبي على هجره ما طاوعني = والـنـاس تـعـذل وحـنـا مــا تسمـعـنـا
لا قلت أحبـه تـراه الصاحـب المعنـي = وإلي مع الهجر طبعـا مـا هـو بمعنـا
لا قال دعني وأنا مـا قلـت لـه دعنـي = اليـن سـالـت مــن الفـرقـه مدامعـنـا
حـتـى يــوم الـمـوادع يــوم ودعـنــي = بكـت جميـع الليـالـي مــن موادعـنـا
الله يـمـتـعــك بــلــقــاي ويـمـتـعـنــي = بلقـاك والسحـب تمطـر مــن تمتعـنـا
والله لأخلي السنيـن الماضيـه تعنـي = وأوادع الناس و أرجع وآخذ المعني

لا تحـاول تعيـد بدمعتـك مــا مـضـى = ما تداوي دموعك جرح طول البعـاد
إنتهى الحب يا اللـى بيننـا وانقضـى = ولا بقى لك بقلبـي غيـر ذكـرى وداد
كنت أجيك بْخفوقٍ فيـه حـبّ ورضـا = وكنـت انتـه حبيبـي غايتـي والمـراد
وكنت أشوفك حياتي جوّها والفـض = اوكنت يومٍ تغيب آمـوت هَـمّ وْ نكـاد
بس خِذْها بْصَراحـه القضـا بالقضـا = ذوق كاسٍ شربته منْك اسمـه عنـاد
يرفض القلـب مثلـك بـه ودادٍ حظـى = دامه انسان مثلك قطعـةٍ مـن جمـاد
ما تعيش المشاعر في خفوقٍ فضى = كيـف تبنـي ودادٍ لـه عـنـادك عـمـاد
يا فقير المشاعر، يـا شتـات الشظـا = المحبّـه بــوادي، وانــت والله بــواد

هـلا باللـي سـبـى قلـبـي واخـذنـي حسـنـه بـقـوّه = سَلَبْ روحـي واخـذ صبـري وأنفاسـي مـن يْديّـه
أحــسّ انّــه لـعـب بالقـلـب لعـبـة شـاطـر وْمَــوّه = يبعـثـرنـي.. ويجمـعـنـي رجـــا واحـــلام ورديّـــه
إذا نـوّر ظــلام اللـيـل عـرفـت ان الفـجـر ضــوّه = تبسّـمْ مـن جبينـه مبسـم الصبـح وضحـك ضـيّـه
واذا سلهـم برمشـه طـرت مـن جَـوّي إلـى جـوّه = ورحّـب بـه خفوقـي غصـب عنّـي قــال يــا حَـيّـه
أثارينـي بحسنـه طحـت وانـا اظـن الـهـوى تــوّه = فكيـف ان الهـوى تـوّه وانــا غـرقـان فــي طـيّـه
تعلّقـتـه وصــار الـيـوم نـــوّ الـقـلـب مـــن نـــوّه = مــع انّــي قـبـل هــذا الـيـوم كـانــت نـيّـتـي نـيّــه
قبل يطري الحسن حسنه لفظ قبل اسمـه سْمـوّه = تسامت به سنا الحسن وسرت له سحب وسميّه
تقـول ارفـق بمـن حَبّـك وعقـب اللـي تبـي سَـوّه = تــرى ميْـتـك إذا شـافـك تــرد الــروح بــه حَـيّـه
حبيبـي خـاطـري عــن مــا بــدا لــه عـبّـر وْنــوّه = ومن شرواك يفطن وانت شمـس الخاطـر وْفَيّـه
إذا كــان الحـيـا يمنـعـك.. مـــا تمـنـعـك لِـمْــروّه = واذا خايف مـن الحِسّـاد قِـلْ لـي.. طاحـت الحِيّـه

ما عاد لك فـي قلـب خلـك مكانـه = لو كنت أمامه يجهل أنـك عيونـه
منتـه الـذي تتملـكـه فــي زمـانـه = صعبه حبيبي عن رماتك حصونه
يامـن تـعـود ع الـقـدر والخيـانـه = الحب غالـي لـو انكـم ترخصونـه
ارخصت قدرك يوم خنت الامانـه = ويـن الوفـا لـي عندكـم تتدعـونـه
لقيـت بـك امـن الغراشيـب دانــه = حصبـاه مـنـك والآلــي مخـزونـه
جمـال حسنـك مـا يسـاوي بنـانـه = فتـون زينـك مـا يحـرك غصـونـه
عـــود يـشـابـه لادن الخـيـزرانـه = عازل هضيمه بين حيب ومتونـه
أبغي وصوفه لكن الوصف خانـه = حـرت بجمالـه وتوهتنـي عيـونـه
لأني صويـب مرهـف مـن سنانـه = عـــزاه قـلــب نـازفــات طـعـونــه
يقولـهـا لــي قالـهـا مـــن كـيـانـه = يحسب حسابه قبـل لا يحاسبونـه