الصـد بالصـد

تدري أحبك لو تناسيت معتد=وتدري من اقصا خافقي عاشقاُ لك
وتدري لو ان الوصل من بيننا مد= تلقى محبك في حماك ومحلك
ياصاحبي لاتحق الصد بالصد=صـد بلا سـبه يقـولون ذلك
يومين ماشفتك ولا صوتك ارتد=ولا لقيت اسباب حتى تحلك
شبت ضلوعي من غيابك ولاحد=قدر يطفي النار او جمرة لك
ضاق الصدر من غيبتك مير مارد=على مناد البعد يومه ذكرلك
بيحت سدي ايه بيحت هالسد=واخرب جنونك فكري اللي انتظم لك
وصفك لاجا بالعين والصدر والقد=عاكف فبيت الله يجي لك ويملك
أرجوك يكفي ما حصل منك من بعد=داو العليل اللي له أيام يهلك
أيام تمضي بين جزر وبعد مد=ويرتاح منها من على الدرب يسلك