قصيدة تم اعادة نشرها بتنسيق أفضل ((القدس))

القدس تبكـي والعـرب مايحسّـون=الجرح ينـزف والمدامـع غزيـره


اليا متى تصبر على الجوروالهـون=اليامتـى يااهـل البصروالبصيـره


الارض ماتت ضيق والشعب مغبون=سبعيـن عـام ولاتحدّدمصـيـره


من بعد راحوابين لاجي ومسجـون=الله واكبريالجـمـوع الغـفـيـره


مليارمسلم قدمهـم نصـف مليون=ماهي على المليار حاجـة خطيـره


نقضي على الانجاس وابليس ملعون=في ربع ليلـة بالسيـوف الشطيـره


ونحرّرالاقصى بعدصـار مرهـون=وترفرف الاعلام فـي كـل ديـره


من زمرةالاوباش واخصّ شـارون=يازينهـا لاصارتحـت الذخـيـره


خنزير ابن خنزيرغاوي ومجنـون=عسـاه يفـنـى مايغادرسـريـره


قالواسلام وربعناغصـب يرضـون=الظرف قاسي والمواقـف عسيـره


اللي ليا صـاح المصيّـح يهابـون=مايدحـرون القـوم يـوم الكسيـره


واهل الطرب في كل ليلـه يغنّـون=والـذل ينشرفـي قنـاة الجزيـره


ومن اجتماع الروس مافيه مضمون=كل(ن)على الثاني يشـب السعيـره


واهل العراق من المصايب يصيحون=يستاهـل الجمّـال ضيّـع بعيـره


المالكي والجعفـري وش يسـوّون=النـار شبّـت والرحـى مستديـره


وكو نـد ليـزا تتصـل بالتليفـون=فا لبيت الابيض عمّهـا تستشيـره


اللي رضي يمشي على حسب قانون=نعطيه كل اسبـوع حبّـة شعيـره


واللي زعل من فوق علباه بالشّـون=في كـل ساعـه جندنـا تستثيـره

نسجلّـه فـي محـور الشّرويكـون=ضمن الفريق اللي حبالـه قصيـره


من عقب هاذي يااهل العرف تكفون=لا تفقـدون الاولــة والخـيـره


امّاحيـاة الـعـز والا ّتمـوتـون=عيش(ن) بليّا عـز مافيـه خيـره