بعد سنتين رجعتي من ثاني

بعد سنتين

أناجيت من ثاني وصارت طيبه أخباري
علامك جيتي تعيدي مواضيع انتهت فيني
نسى قلبي مواجيعه سرى مع فكري الساري
لقيت بغيبتك نفسي رجع فرحي يناديني
وش اللي ذكرك فيني غربه ذكراه داري
بعد سنتين أو أكثر أنا ظني نسيتيني
مدامك جيتي بنفسك وهزك يمي الطاري
تعالي واقري اطعونك حفظها دفتر اسنيني
اذكر ولا ما يحتاج اضنك ذاكره ناري
لما رحت للغربه ودمع الشوق في عيني
توادعنا ووصيتك تصوني عشقي واسراري
ياويلك لو تحب ثاني وصيه بها وصيتيني
وبدت غربة عذاب وهم تاهت يمك افكاري
كأن الكون بس انتي بدونك ويش يعنيني
ذكرتي لهفت وصولي ذكرتي دمعة اسفاري
وانا بأرض المطار اركض وورد الشوق بيديني
غريبه نظرتك كانت عرفت اش قد مقداري
برود الثلج في عينك وفي عيني الشوق معميني
ورحتي فوقتها عني غبتي بدون اعذاري
واعشم نفسي بكذبه اكيد بلحظه تجيني
ومر الوقت وتحطم عشم نفسي وانظاري
ذبل ورد الرجا في بعدك وعطشت بساتيني
تعود قلبي فراقك مشيت لوحدي مشواري
ذبحني هاجس الوحده سرى همي بشرايني
قدرت اوقف على حيلي بنيت انسان منهاري
قدرت اهزم معاناتي وكل مابينك وبيني
وجيتي بعد سنتين تبين رضاي واخباري
انا بالحيل مستانس مدامك غبتي عن عيني ...