ماالله عطاني شخص يحس فيني

وش وراك مابلاك الي بلاني=وماكتويت بنار شكي والمهانه
والثقه كانت إلك ماهي لثاني=وامنتها لك وضيعت الأمانه
وش أقول الصبر يوم انه بلاني=لاتلوم الخوف لابدل مكانه
والأمان ضاع مع كل الأماني=وسكن داخل القلب وأهانه
لاتلوم القلب لامنه يعاني=هو قليل الي جرى قلي بأمانه
ولاتلوم القلب ليمنه عصاني=ماسألت النفس لوكنت بمكانه
والله ماتحملني وتصبر لك ثواني=وتزيد الطين بله وبكل رعانه
تحترق وتسطلي وتمنى العمر فاني=وتضيع الهقوه الي ماهقيتك أبد بخيانه
ويتدمر كل ماكان بنيته بثواني=ويتحطم قلبك المجروح من قو الأهانه
ياولد شفت صعب لوكنت بمكاني=ماهقيت اتسامح الي التفت وبدل مكانه