يوميــــات عزوبــي بعد الـــزواج

اللي ماعنده غير حرمه ترى ماش = كل العمر يقضيه شبه امحرومي
نصف الشهر محروم من لذة افراش = والنصف الاخر عايشً فالهمومي
وليا عطاه الله مولود ينحاش = يبعد عن المحضور خمسين يومي
حتى طعامه صار مدفوع بالكاش = عند المطاعم بالريال امعزومي
يروح للغسال بيدينه اقماش = يرمي على الغسال كل الهدومي
غسال يمكربه وغسال غشاش = يبدل اثيابه بثوم امعدومي
صوب الدوام يروح سهران منداش = ويكلمك من فوق روس الخشومي
بيت بلا حرمه مثل الاحواش = فيه الغبار يصير مثل الغيومي
سرير نومي صاير(ن) غرفة انعاش = واذا غفيت افز سرعه واقومي
قررت ابي مسيار مادام ببلاش = اهم شي ارتاح ويطيب نومي
النار في جسمي بدت تحرق الجاش = واناادري ان الموت شي امحتومي
حال العزوبي حال والوقت نهاش = اليوم خادم قبل كنت امخدومي
واللي رصيده بالملايين معتاش = على اربعه يبصم بروس القرومي
ولي سواتي مكسبه طاش ماطاش = يرضى بقسمه لو قليل الغسومي