ياخـــــــــــــــوي

ولا يا خوي لن كان في خاطرك هاجوس = حذار تجي من دون جدك وعمانك

تراهم رجال طبعهم دايم الناموس = وحذرا تجي يامسندي دون خيلانك

وخلك سواه السيف والم لقطع الروس = وخلك سواة الغيث لاهلك وجيرانك

وحذرا تجي عقاب ساقه سواة الموس = وخلك سواة الحصن مضفي على اخوانك

وراعي النميمه مثل حبة دخلها السوس = تجنب عنه لا تصحبه واحفظ لسانك

ترى كم كلام ياخوي راح فيها نفوس = ينقدك نقله يوم توحيه صداقانك

وهرج النميمه مانت ماخذ عليه فلوس = ولن جيت صادق زاد قدرك وميزانك

ترى اللاش عائش مثل بندق بلا نادوس = ولا يقضي العازة ولن جيت ما عانك

عمى القلب لو شافت عيونه عمى ويطوس = ترى الصمت حكمة والعقل ساس عنوانك

تجنب عن الغدار راعي اليدين الحوس = ترى النذل لو انك تبا تامنه خانك