)) رائعه من روائع الشاعر عبدالله باتل ((

3 جمادى الأولى 1429هـ, 10:39 م

مـ غ ـرورهـ جهينه

عضو ذهبي

آخر وسام للعضو

وسام العضو المميز لشهر جمادى الأولى من عام 1429 هـ

)) رائعه من روائع الشاعر عبدالله باتل ((

سرى بليل وبرق وانغام ونجوم * وزرى على اللي مهتني في منامه
جا حافلاً غربه من المزن مردوم* وشرقه جزر مزنٍ تبدد ركامه
>ساعه بفخت وساعه أخرى بعلجوم * يقمر ويديجر عجيباً نظامه
>بأرضٍ غطوشٍ سملقٍ مابها احزوم *جبوب سبروتٍ مليحٍٍ ثمامه
>يفهم وفاهم ومتفاهم ومفهوم * وان كنت منهم فانت عندك فهامه
>راودني الإحساس باسلوب مظلوم * وتوسلتني عاطفه بانسجامه
>قامن يحثني على سر مكتوم *وابطى وصار إبداع عقب انكتامه
>لامفاخرٍفيها ولاني بموهوم *ركبت ركوب اعقال فوق العمامه
>سبحان رب الناس حاكم ومحكوم * اللي نهاره يسلخه من ظلامه
>ربٍ عليه الرزق للصقر والبوم * مراح رزق اغراب يم الحمامه
>ياشامت اشمت مدرا عنك مشتوم * ولايجني الشمات غير الندامه
>والذم مايستخدمه غير مذموم *ولاهي اطبوع ارجال فيهم شهامه
>ولاصار حقك عند غالي ومهضوم *عليك تصعب فكرة الأنتقامه
>ولاجاك يشكيلك من الضيم مضيوم * ولو جاك يمكن ماتحقق مرامه
>وبعض الكلام ليانحبك حبك مسموم *ودايم يغسل المخ سحر النمامه
>وكلش يروح وينسي بعد كم يوم *وكلش يسامح غير جرح الكرامه؟؟
>وبالناس متعلم ومحتاج تعلوم *وفيهم بليدٍ مايسوي طعامه
>وظمير غايب عنده اخبار واعلوم * جرب وشاف وصار عنده لمامه
>ماتقعد النمات عنده ولاتقوم *وعن قيل والاقال طق اللجامه
>ماهمه الحرمان لو عاش محروم *الالياناظر رشيق القوامه
>أبو العيون السود والخصر مهضوم * خشفٍ تحت خده من يسار شامه
>هادي طبع مافيه خفه ولااوجوم * بكلمته وبنضرته وابسامه
>عفٍٍ عن الهفوات مكرم ومحشوم *يمشي واهو واثق ومرفوع هامه
>من ناس تحكمها تقاليد واسلوم *عبقٍ ولبقٍ خندريسٍ غرامه
>حبه شغفني شغف جارح لعيسوم * وساوى الدروب العوج بلأستقامه
>ياما عليه أرقبت في راس مزموم * وياما عليه الجرح طال التئامه
>وعني بعيد وفيه لااشري ولا اسوم * أبعد من سكاكا عن اقصى تهامه
>ودعته آخر يوم وانكفت مشئوم * وانّا تفارقنا ليوم القيامه
>مشيت كللي حيرت اهموم واغموم * وتركت قلبي عهدةٍ باستلامه
>احن له حنين كوماً من الكوم * شافت ولدها ذبح باقصا العدامه
>بين اربعة شجعان عجلين وقروم * ماتقومله من جوه في شر قامه
>اثنين طشوا مايعسرهم من اهدوم * يبغون عنهم ينجزونه شمامه
>وواحد بسرعه والحطب عندهم كوم * وواحد وقود النار والحمس زامه
>قامت تحن وتلتفت فيه وتهوم * بعد ايست والذود لاذ بعسامه
>ولا يحير امرٍ صار واضح ومحسوم * تحير بامرٍ منفلت من زمامه
>ولا يصير غير اللي من الله مقسوم * وعلى المقدر ماتجوز الملامه
>وماقدر الوالي على اللوح مرسوم * اصبر على المقسوم وارضى انقسامه
>وحاول تصير بساعة الضيق زيزوم * وليا حزمت الشي جود احزامه
>وطير الحبارى يزعجه نوب جرثوم * ولااتفه من الجرثوم غير انتقامه
>وجناح للبعوض وللفيل خرطوم * ووش فايدتك بعرف زرقا اليمامه
>والذيب يبقى ذيب لو صيب بسهوم * والثور ثور ولا يغرك سنامه
>وبالشده الأصحاب تعرف من القوم * وكلن بوقت الضيق يعرف مقامه
>ولاصرت لاعاقل ولا مخرم اخشوم * شخصيتك تصير فيها انفصامه؟
>ومن لايصلي لايزكي ولايصوم * لوهو بمكه محرمنٍ في احرامه
>وبيت العزاز يضل من حر واسموم * وبيت الردى مبناه مثل انهدامه
>ولافيه لهل الطيب واهل الردى اوسوم * والمشكله لو إن فيهم علامه
>والطيب ساس ونفع واصرار واعزوم * ماهو بكثر فلوس والا وسامه
>ومن ماخدم ماصار في يوم مخدوم * وكن تجيه ألفه وميمه ولامه
>ووش جاب ريح المسك ياناس للثوم * والمعرفه وش جابها للغشامه
>لو قلت هذا الشرق لإ نسان منجوم * يصير عنده غرب وقت انجامه
>مالك سوى تنساه وتبعد الحوم * والمحترم حقٍ عليك احترامه
>ومقطع موسيقى باغنيه لأم كلثوم * يسوى رديٍ يبلشك في خصامه
>وان انتصر منصور وان هزم مهزوم * لازم تقول الناس هذا علامه
>ماخلو اللي بالخلى نايمٍ نوم * جوه اقعدوه بخير مدري شتامه
>ولاني بمدح او ذم هالناس ملزوم * أبغى السلامه كان حصلت سلامه
>والعمر لو طالت لياليه مايدوم * لابد مايفنى وتفنى عضامه
>لابد من يومٍ يقولون مرحوم * وبالمقبره يدفن مطوق بخامه
>تفنى ولايبقى على الأرض علقوم * وبالشي يبدا النقص ساعة تمامه
>مات الرسول اللي من الله معصوم * اللي عليه الله ضلل غمامه
>ولا خلت كسرى ولا قيصر الروم * أصحاب تيجان الذهب والزعامه
>عاشوا حقيقه وانتهت كنها احلوم * وافنت بعدهم ناطحين الجهامه
>ومهما وصلت بحال في حال محكوم * لو انت في دنياك صاحب فخامه
>الله يبدل عج الأيام بغيوم * وتمطر بعد ماهي عجاج وكتامه
>تم الكلام اللي من الفكر ملموم * وازكى تحيه والسلام بختام

منقووول

السموحه قصيدته طويله وانا طولت عليكم بس تستاهل القصيده جزله

صح الله السان شاعرها عبدالله باتل الرشيدي

تحيتي / مـ غ ـرورهـ جهينه

من مواضيعي :

≈ لآ تتعجب فقط اقرآ وبصمتـ ؟!!
≈ )) رائعه من روائع الشاعر عبدالله باتل ((
≈ ممكن أرقم .. ممكن بنت تسهر معي؟؟
≈ ألمحـــــك ...,,
≈ ماذا يعجبك في الأغاني ... دعوه للمصارحه

3 جمادى الأولى 1429هـ, 11:36 م

برق الشمال

مشرف منتدى الأشعار المنقوله

آخر وسام للعضو

وسام العضو المميز لشهر جمادى الثانيه من عام 1429 هـ

مشاركة: )) رائعه من روائع الشاعر عبدالله باتل ((

اقتباس


	سرى بليل وبرق وانغام ونجوم * وزرى على اللي مهتني في منامه جا حافلاً غربه من المزن مردوم* وشرقه جزر مزنٍ تبدد ركامه

صح لسان الشاعر وسلمت يمينك على هالاختيار الرائع قصيدة تستحق الاشاده
لك كل التقدير
برق الشمال

من مواضيعي :

≈ الذيب ما يقلط على فضلة الذيب!
≈ يبقى الشيء ساكنا حتى تفكر فيه .. فيتحرك باتجاهك
≈ مجانين البياض !!!
≈ كفــــــايه لا تلومونـــي!!!
≈ وشلون يفهمون ؟؟

5 جمادى الأولى 1429هـ, 08:45 م

صقر تبوك

عضو شرف

آخر وسام للعضو

وسام الفريق الفائز ببطوله جهينه الرياضيه

مشاركة: )) رائعه من روائع الشاعر عبدالله باتل ((

الله يعطيك العاااااااافيه اختي الكريمه

على الاختيار الموفق

لابياااااااات راائعه لشاعر عبدالله باتل الرشيدي

صقر

مر

من

هون

سُبْحَانَكَ اللَّهُمَّ وَبِحَمْدِكَ أَشْهَدُ أَنْ لا إِلهَ إِلأَ انْتَ أَسْتَغْفِرُكَ وَأَتْوبُ إِلَيْكَ

من مواضيعي :

≈ اللغز الثاني عشر.......لصقر تبوك......من هاتين الثنتين؟
≈ عــتــاااااب !! ! ! !
≈ اللغز الثالث والعشرون ...لصقر تبوك....من هي هذه السمراء
≈ البنت ومطعم كنتاكي قبل الحذف
≈ الفتاة التي فقدت بصرها ليلة زفافها....قصة واقعية قصيرة

5 جمادى الأولى 1429هـ, 10:57 م

مـ غ ـرورهـ جهينه

عضو ذهبي

آخر وسام للعضو

وسام العضو المميز لشهر جمادى الأولى من عام 1429 هـ

مشاركة: )) رائعه من روائع الشاعر عبدالله باتل ((

صقر تبوك

اسعدني مرورك

دمت بود / مـ غ ـرورهـ جهينه

يابـوي بنتـك لاانحكـى بالتّجاريـب
كل ٍ يشـق لهيبـه الصّيـت جيبـه
مرفوع شاني عـن غـرام المكاتيـب
وأكبر من انّنـي أرتضـي بالحبيبـه
طلع المعالـي ماانحكـم للشّواريـب
بنت ٍ وأناطح فـارس القـوم طيبـه
حذ دلتك وإركى على مسند الجيب
وعطني شماغك بلثمه وأحتمي به
وياشيخي إبشـر لوتـدور الدّواليـب
بنتك إلا منّه عـوى الذّيـب (ذيبـه)

من مواضيعي :

≈ ممكن أرقم .. ممكن بنت تسهر معي؟؟
≈ مرثيه
≈ هـــــــــــــــام
≈ رائعه من روائع )) ناصر الفراعنه((
≈ للبنات .... رجال لايصلحــون للزواج

8 جمادى الأولى 1429هـ, 08:04 م

مـ غ ـرورهـ جهينه

عضو ذهبي

آخر وسام للعضو

وسام العضو المميز لشهر جمادى الأولى من عام 1429 هـ

مشاركة: )) رائعه من روائع الشاعر عبدالله باتل ((

ريان الشمال الاروع مرورك

دمت بحفظ الله / مـ غ ـرورهـ جهينه

من مواضيعي :

≈ عز نفسك في زمانك لاتقول الحظ خايب
≈ دمـــوع عينــي ...؟!
≈ ما رأيك أن تستغل وقت نومك في عبادة الله؟
≈ رجآل يسوى له ثمانيين شآرب ...,
≈ كل الموت فــرآق ,, وبعض الفــرآق موت

خيارات الموضوع
عرض نسخة للطّباعة أرسل هذه الصفحة لصديق
طريقة العرض
النمط الخطي التحويل إلى النمط الشجري التحويل إلى النمط المتطوّر