حداوي لجهينه في زواج الشيخ طلال الغنيم

سلام ياقصراً مشيد في بناه ومستقيم=يدري به العاقل ويجهل في مبانيه الغشيم
فيه الرجال أهل الكرم والطيب ربع بن غنيم=العزوة الي يكسبون الاوله في وقتها
جينا على درب الوفا ويدلنا الرأي الحكيم =يحظى بنا الميقاف فالحاضر وفي الوقت القديم
وان جات وقفة للقبايل والفخر حنا سليم=اليا نصانا علم قمنا في لزومه وانتهى

يامرحبا والقصر ثابت في محله مستديم=كلاً درابه في المواقف والحقايق بالصميم
فيه الرجال أهل اللزوم الي يكيدون ا لخصيم=هذي حقيقة والحقيقة من لسانك سقتها
الله يحييكم على حفل الكريم إبن الكريم=هذي سواير بيننانمشي على النهج السليم
حنا جهينة بالمواقف شاننا شانٍ عظيم= يوم إنهاصعبت على شيوخ العرب ضمنتها

سلام ردية وفاء ياقصر وركونه شهيرة=فيه الرجال الي تميز ماتحيرها البصيرة
الجد الاول عمت اخباره على كل الجزيرة=واليومه التاريخ شاهد للرجال الغانمين
جينا على بيرق و الشرف نمشي مسيره=حنا بني هاشم نكمل والوفا نعرف مصيره
دايم على التكميل ودروب الوفا ماهي عسيره=الله يديم أفراحكم دايم على طول السنين

يامرحبا يأهل الوفا قوماً يصدون المغيره=تشهد لهم كل العصور وصيتهم في كل ديره
يشهدلهم سيف الزمان الي مخبافي جفيره=والي قراء التاريخ عند جهينة العلم اليقين
كل القبايل ترفع البيرق لها راياً تديره=حنا جهينه عزوة إبن غنيم وقفتنا كبيرة
تموا على التكميل واحبال الوفا ماهي قصيرة=الله يديم أفراحكم والسابقين الأولين

سلام تسليم الوفا لاهل الوفا ممدود وافي=مثل العسل مجناه من طيب الثمر مشروب صافي
ينصى معازيب الكرم والجود ورجال القوافي=ابن غنيم وربعه الي سطروا فالمجد قصه
حنا الحروب أصحابكم ميقافنا دايم يشافي=مثل النجوم المستقله نورها فالكون ضافي
صدقان للصدقان وللعدا سمٍ زعافي=تاريخنا مشهود ناخذ من سنام العز حصه

يامرحبا ترحيب واضح ماعلى العراف خافي=أحلى من الحالي ويقبل لو ليالينا مقافي
نكرم به الضيفان والي في محل الشيخ لافي=والناس كلاًله لزوم ويجتهد بالي يخصه
حنا جهينة يشهد لنا التاريخ والتاريخ كافي=منزالنا فوق الكواكب صدق مافيه اختلافي
عسى الصداقة دايمه ياحرب والدعوه عوافي=والعز للي رافع البيرق على راس المنصه

سلام رديه وفا من حرب لجهينة عموم=تنصى الرجال الي تعرف الحق وتسد اللزوم
الي مواقفها تشرف فالمذاهب والسلوم =والي كسب له طيبه ياخذ من المولى جزاها
والثانيه قلنا يدوم الله والطيب يدوم=الي على سبل الوفا يطلع مطاليع النجوم
كلاًكسب له طيبه ماهو من الاجر محروم =كلاًيجي في ماقفه واشنابها تحمى لحاها

يامرحبا عند الرجال أهل الكرامة والعزوم=الله يحييكم وراع الطيب مكرم ومحشوم
وانتم لكم مقسم مع الأجواد في وقت القسوم=وراع الوفا يطلع مطاليع الكواكب في سماها
المسعد الي في نهار الضيق له حظاً يقوم =الي يقوم بلازمه لاجات فركات الخشوم
والطيبه من حظ راع الطيب والأمر محكوم=فيه الطبيب يشخص العله ويبحث عن دواها