اسألوها ليش

اسالوها ليش ماتوفي الوعود.... ليش تنسا حبنا وماضي العهود

ليش طاعت بالهوى كلة حسود.... ليش تنسا الود مو هذا حرام

ذكروها ايام حبي والوصال.... يوم تدلل وانا راضي بالدلال

ياسلام الله على ذيك الليال.... والهوى من بيننا يمشي تمام

كم قضينا اوقات في حب وحنان.... كم سهرنا لين نور الصبح بان

ماحسبنا حساب دورات الزمان.... لين دار الوقت واشتد الخصام

ماهقيت الخب يتحول عناد.... وتنسا وقت راح وتبيع الوداد

نار حبي عقبها صارت رماد.... ساهرا بالليل ماذوق المنام

عقب ذاك الحب يتنكر هواه.... مايخاف الله بالقلب اللي هواه

هو حبيب الروح كان الله هداه.... مايفيد صويحبي راعي الملام

ياعديل الروح بعدك لايطول.... لايشمت في محبتنا العذول

لا تقول انساك قلبك مايقول.... مايضيع اللي وصل بر السلام

لو تجاوب وين ذاك الحب راح.... صار مثل الليل يمحيه الصباح

ياهني اللي من الحب استراح.... ليت قلبي ماعرف درب الغرام

اعجبتني وحبيت انقلها لكم
تحياتي