ناقتـي ياناقـتـي لاربــاع ولاسـديـس
وصليني لابتي مـن وراء هـاك الطعـوس
حايل ٍ رابع سنه من خيار العيـس عيـس
خفها لادرهمـت كنـه بالنـار محسـوس
في دجى خالي خلا لاحسيـس ولارسيـس
تدوخك من شدة البـرد طقطقـة الظـروس
في عيوني يكفخ الطيـر ويطيـح الفريـس
وانتهض جساس من دون خالته البسـوس
وفي خفوقي فرخ جنيةٍ يضـرس ضريـس
يوم اوردها هجـوس واصدرهـا هجـوس
ديرتي دار ابن ضاري وابن غثلـم جريـس
ديرة اللي دوجوا في فيافـي نجـد جـوس
ديرتـي يابنـت شيـخ ٍ ومعدنهـا نفيـس
عيطمـوس ٍ دونهـا دثرتنـي عيطمـوس
جادل ٍ مطرق جسدها مع الغربـي يميـس
طينةٍ من تربـة الخلـد والـدم محمـوس
نقشت خمس ٍ من الخمس في يوم الخميـس
ليـت شعـري مـا ارادت بهـذا دختنـوس
كم تمنـا إن معـه مثلهـا فتنـة ابليـس
كان يمكن قد قلب نصـف إمتنـا مجـوس
كن دماث الصدر منهـا كنيسـه او كنيـس
صومعة رهبـان ديـرٍ يـؤدون الطقـوس
آتقـوس مـع تقـوس نواهدهـا وإقيـس
قبتين قاب قوسيـن قـوس ٍ جنـب قـوس
خصرها يحكي لنـا واقـع القـوم التعيـس
وردفها عن غطرسة بوش يعطينـا دروس
وبالرغم من قصرهـا مايجالسهـا جليـس
تصبح أطول نسوة الارض في وضع الجلوس
العروسه ماتبي غير ابـو تركـي عريـس
العروسه نجد ماهيـب حـي الله عـروس
نجد بنت المجـد ونسـة مونسـة الونيـس
ماعسفها الا معزي ضحى اليـوم العبـوس
كل اهل نجد هلي من إجاء حتـى الخميـس
في ذراهم بالتجي عـن مجففـة الرسـوس
وعيشتي مابين أسود ٍ ولو مانـي رئيـس
خير من كوني رئيس ٍ على شلقـة تيـوس
وليس عيباً إن خدعني بمكـره كـل هيـس
لان مايفهم بمكـر الهيـوس الا الهيـوس
مصطفى في مأدبـة عمـه البابـا لويـس
كبر اللقمه تحت ضـوء حمـراء الكـؤوس
وطسم حدتها على حائـط المبكـى جديـس
يوم شقت ثوبهـا بنـت عفـار ٍ شمـوس
سيدة هـاك القصـر أسمهـا الاول لميـس
دونها سمر الحناجـر بترهـا حـد مـوس
قسقسـت لاحرارهم.قيس.قيس.قيس.قيـس
والبستهم مـن مهانتهـم انـواع اللبـوس
بين خدعة كعب اخيـل ٍ ومولـد ادونيـس
درسونـا الالـهـه والمـدرسـون روس
ويش لاقوا من قناة السويس اهل السويـس
وويش لاقوا من تلمسان قوم ٍ من سنـوس
كلهم من شـدة الجـوع راحـوا خندريـس
بين غيبوبة مخدر وصحوة عـرق سـوس
ثـورة راحـوا سببهـا بتـوع الاتوبيـس
وش نبي فيها وهـي ماتهـز الا الغـروس
آفة المرء اثنتان الف كـاس وحـب كيـس
والنفوس اليا بغيت اتعرفهـا ارم الفلـوس
ينكشف زيف الشعارات الى حمي الوطيـس
ترجع الاذناب اذناب وتبقـى الـروس روس
صدق لاقال العرب مايحوص الا الخسيـس
ولايوطي الروس شئياً مثل ضعف النفـوس
يعطيك الف عافيه
صح لسان من قائلها
وتسلم على نقلها
واشكرك جزيل الشكر
تحياتى لك اخوك فارس الجهنان
ماتهمنا الشهره وكسب الملايين
ولايهمنا حكى العرب ياعربنا
ولايهمنا تصفيق الف و لاالفين
ولايهمنا التصويت فااللى كتبنا
حنا جهينه محتمين الميادين
اشعارنا مثل العلم فى بلادنا
كلمات ناقتي ياناقتي ناصر الفراعنة
كلمات ناقتي ياناقتي ناصر الفراعنة 
النمط الخطي
