آه منـّـك يادموعي ليلة الفرقا نزلتي ! ! !

آه منّـك يادموعـي ليلـة الفرقـا نزلتي =. والعرب تنظر وتسأل ياترى وشهي المصيبة .
الله اكبر ياعيوني كم مـن الحسـرات نلتـي =. نلتي الحسرات ما هو بالرضا لكن غصيبـة .
وان صمدتي ياعيوني وان صبرتي واحتملتي =. حاربك همّ الفراق وخاسر ٍ من هو حريبـه .
ياظروف الوقت حنّي والله انـك قـد قتلتـي =. خافق ٍ مجروحْ وجروحه من الفرقى عطيبة .
يالليالي السود بالله ليه فينـي مـا عدلتـي .= . ليه شبيتي خفوقـي ليـه زودتـي لهيبـه .
يالمشاعر لو نزفتي واحترقتـي واشتعلي = . كل هذا مايرجّع صاحـبٍ فـارق صحيبـه .
يالحبيبة في وداعـك ليـه للونـات شلتي =. كان ودي ترحلي من دون صوت يالحبيبـة .
يوم جيتيني بعلمك يوم عندي قـد وصلتـي = . شفت انا بعيونك آثـار ٍ لدمعـاتٍ غريبـة .
اثرها الفرقى دعت لك واثرك انتي ما احتمي = . اثرها الفرقى علينا حكّمت سيـف الغليبـة .
قد عطيتك قلبي آنا وانتـي بقلبـي دخلتـي = . قلت هذا بيتك العامر بقلبـي وانزلـي بـه .
وانتي بحبك عطيتي وانتـي بحبـك بذلتـي =. مير خانتنا ظروفٍ ظالمـة ْ جـدا صعيبـة .
والله انك يوم رحتي والله انـك قـد جعلتـي =. حالتي مثل المريض اللي يئس منّه طبيبـه .
بعد مارحتي وغبتي بعـد ماعنـي انتقلتـي =. انتظر موتي يجيني عمرْ ضايعْ وش ابي به .


تحياتي

انا/

صقر تبوك