بكـ منبعـ الاوصاف يفخر ويختااال

حيرتني بالوصف ياكل ألاشكال=يلي يساري فيك تحسد يميني
ياحسرة النزال في وقت رحال=الزين في وصفك تحول لشيني
ياضيقت الايام في وجه رجال=يافرحة ألي عاش عمره حزيني
بك منبع الاوصاف يفخر ويختال=يامضرب الامثال في كل زيني
يوم القصيد اجزال وصفك له اجزال =اجمل وصوف الوصف للواصفيني
الدر ينثر لك على شكل سلسال=من هيض يوصف مايدور ابيقيني
يأاصعب قوافي شعر مرت على بال=ياعذب بحور الشعر للعاشقيني
للعين بك معنى ومن عمق الامثال=قوه تشابه نظرتي لك بعيني
وفالحبك لك عود(ن) رهيف(ن) وميال=وبالسبك وقفة خيزران(ن) يليني
ياروعة التصوير بأوصاف تنقال=يارسم شاعر صار بيدك رهيني
ياساكنه قلبه من الجال للجال=يا مكسبه من كايدات السنيني
منك الشقا مقفي بك الخير بقبال= معك السعاده كلها تحتويني
في وقفتك تشبه لعزات الابطال=خطوات رجلك شبه خطو السجيني
ياعيون حر(ن) بينها سيف قتال=بديت انا من قبل ماتبديني
يعلن شموخك رمش منبع للاهمال=بأسبابه الفوضى بدت تعتريني
قبله بشمس وصار لي في وضلال=وعطيته اشواق وكامل حنيني
كنت انتظر واقول مازال مازال=و من شوفته ناديت توه يجيني
حييت ياعشق(ن) لفى بعدماطال=و قتن به الحسرات بينه وبيني
ومن انزل البقره وعمى والانفال=ان الغلا له صار مزروع فيني
ماهمني حاسد ولا اسمع لعذال=اكيدهم في معدن اصلي ثميني
قبله بحال وبعده اليوم في حال=ولاوالله إلا فارق النوم عيني؟