مشتاق

قصيدة خفيفه اتمناان تعجبكم
هب البراد ولاح برق الشمالي = وراع القنص لهدة الطير مشتاق
وده بقفر(ن) تو واديه سالي= وبعد الظهر لقبل من الغرب براق
تلقا غداهم في وسيع الظلالي = في سدرة(ن)دوحا تغطة بالوراق
وضو شبت والستوت لدلالي = وابعد من زعاج المدينه والاسواق
ماعنده الا طيبين الرجالي = خفاف النفوس ومابهم شين الاخلاق
ماهمته الاسهم وجمع الريالي = رزقه على رب(ن)تكفل بالارزاق
وفل الحجاج وكب قيل(ن)وقالي = رب القلوب الي تمذلق تمذلاق
الي بوصت الناس مثل السحالي = قضا حياته كلها كذب ونفاق
تسمع كلامه تحسبنه الهلالي = وتلقاه في وقت الخطر طاق طرباق
يالله ياعالي على كل عالي = ياسابت(ن)سبع السموات الاطباق
تغفر لعبدك يامجيب السوالي = في ساعت(ن)للتفت الساق بالساق