معقول قتل اطفالنا شي عادي؟؟

وين القلوب ألي بها ذرة أسلام=اهل الكرم وأهل الشيم والمبادي
في نجد ولا في تهامه و بالشام=بالقدس ولا كابل أو بالرمادي
ياهل العقيده طفل يحكم بالاعدام=ونقول باقي ما يجوز الجهادي؟
ألى متى؟ننهان نقهر وننظام= معقول قتل اطفالنا شي عادي
وأعراضنا تهتك وحنا كالانعام= موتت ضمايرنا هدف للمعادي
نشذب ونستنكر ونومن بالارقام=ونقول حنا اهل السيوف الحدادي
رجالنا لبس من الذل هندام=وجيهنا واضح عليها السوادي
نرجي السلامه من بعد قتل صدام= شيا يشيب راس من بالمهادي
ابداية التدمير في غزو الاعلام= وتوجيهنا وشغالنا بالنوادي
وتشتيتنا وتوزيعنا عدت أقسام= وهذا بداية نصر جمع الأعادي
وتوالت الأحداث عامن بعد عام=والحي فينا صار قلبه جمادي
حتى اصبح الموضوع بيدين حخام= وأول نجاحاته بنشر الفسادي
وين الشموخ وبيننا الشمخ اقزام=والجرح صاير للجروح الضمادي
وين الشجاعه فعلنا صار بأقلام=والخوف فينا ساد والذل سادي
يامن تقول الخير في وصل الارحام=وصلاتنا للدين ساس وعمادي
أكيد دون شكوك بقلوب الانام= وهذا بدون أجدال شين وكادي
بالله وش تفسير ذروات الاسنام =ووش حكم من لبى لصوت المنادي
مسلم وفي ماقلت والله مانلام=من بعد قتل أطفالنا صارعادي
ياهل الإجابه قلتها ملزم الزام=ماهمني في شمس ولابرادي